Bul týraly Almatydaǵy AQSh bas konsýldyǵy málimdedi.
Shetelde qyzmet etken jyldary bas konsýl Sevıdj Ázerbaıjan men Mozambıktegi AQSh elshilikterinde Qoǵammen baılanys jónindegi keńesshi, AQSh-tyń Belarýstegi elshiliginde Qoǵammen baılanys jónindegi keńesshi jáne konsýl, al Lıýksembýrgtegi AQSh elshiliginde Saıası jáne vıza máseleleri jónindegi qyzmetker bolǵan.
Bas konsýl Sevıdjdiń konsýldyq aımaǵyna Almaty jáne Shymkent qalalary, sondaı-aq Almaty, Qyzylorda, Túrkistan men Jambyl oblystary kiredi.
«Bas konsýl qyzmetine kirisý men úshin erekshe ýaqyt bolyp tur. Sebebi bıyl Qazaqstan Táýelsizdigine 30 jyl tolǵaly otyr, ári AQSh pen Qazaqstan dıplomatııalyq qatynasynyń da otyz jyldyǵyn atap ótýdemiz. Áli de qarqyny basylmaǵan pandemııa erekshe nazarda jáne eki eldiń COVID-19 indetine qarsy birlesken kúresi AQSh Mıssııasynyń basymdylyǵy bolyp qala beredi», dedi bas konsýl Sevıdj.
Bas konsýl Sevıdj - qazaq tilin Qazaqstanǵa keler aldynda oqyp-úırengen alǵashqy AQSh-tyń Bas konsýly.
«Osy qyzmetime daıyndalý kezinde qazaq tilin asa qyzyǵýshylyqpen oqydym. Qazaq tilin Qazaqstan halqymen baılanysymyzdy tereńdetip, ekijaqty yntymaqtastyqty nyǵaıtý úshin qoldanýǵa asyqpyn», dep atap ótti bas konsýl Sevıdj.
Bas konsýl Sevıdj AQSh Memlekettik departamenttegi qyzmetin 2004 jyly bastaǵan. AQSh-tyń Almatydaǵy bas konsýly bolyp taǵaıyndalǵanǵa deıin ol Vashıngtonda ornalasqan Jahandyq qoǵammen baılanys bıýrosynyń Sheteldik BAQ ókilderi ortalyǵyn basqarǵan.
Vashıngtonda qyzmet etken jyldary Sevıdj hanym Ulttyq qaýipsizdik keńesiniń Reseı jáne Ortalyq Azııa bóliminiń basshysy jáne Reseı bóliminde Saıası, áskerı jáne syrtqy ister keńesshisi, sondaı-aq Djordjtaýn Ýnıversıteti Dıplomatııany zertteý ınstıtýtynyń Vırdjınııa jáne Dın Rask atyndaǵy stıpendııa ıegeri jáne zertteýshi boldy.
