Oblystyq polısııa departamentiniń baspasóz qyzmetinen málim etkendeı, jol-kólik oqıǵasy 22 tamyzda saǵat 18:50-de «Atyraý-Oral» tas jolynda bolǵan.
«Eki oblystyń aralyǵyndaǵy joldyń 93-shaqyrymda, Kóktoǵaı aýylynan 25 shaqyrymda VAZ-2105 jeńil kóligi jáne KamAZ-53215 markaly júk kóligi soqtyǵysty. Inder aýdanynan kele jatqan jeńil kóliktiń 31 jastaǵy júrgizýshisi jolda júrý erejesin saqtamaǵan. Sonyń saldarynan 1958 jylǵy júrgizýshi basqarǵan qarsy baǵytta – Atyraý qalasyna qaraı júrip bara jatqan aýyr júk kóligimen soqtyǵysqan.
Jol apatynan «VAZ-2105» kóliginiń júrgizýshisi men 1954, 1978 jylǵy eki jolaýshysy oqıǵa ornynda kóz jumdy», dep habarlady departamenttiń baspasóz qyzmeti.
Qazir atalǵan jol-kólik oqıǵasyna baılanysty QR Qylmystyq kodeksiniń 345-baby 4-bóligimen sotqa deıingi tergeý júrip jatyr.
