«Rýsfond» qaıyrymdylyq qory qaterli isikke shaldyqqan Reseı ánshisi Janna Frıskeniń emdelýine táýlikke jetpeı 50 mln. rýblden astam qarjy jınaqtady. Bul týraly Utro.ru habarlady.
Ánshige kómek kórsetý maqsatynda «Birinshi kanalmen» birge qarajat jınap jatqan «Rýsfond» qaıyrymdylyq qory emge qajet somadan artylǵan aqshanyń naýqas balalardy emdeýge jumsalatynyn málimdegen bolatyn. Qarajat qaıyrymdylyq qoryna sms habarlama arqyly aýdarylady. Bir habarlamanyń quny 75 rýbldi quraıdy.
Sonymen qatar, ánshi Lolıta Mılıavskaıa da Janna Frıskeniń emdelýine qarajat jınamaqshy. «Biz áriptesterimizben Jannanyń qaterli isikke shaldyqqanyn estigen boıda aqsha jınap, olardy onyń otbasyna beremiz dep sheshtik», – dedi ol.
BAQ ókilderinde 39 jasar Janna Frıskeniń qaterli isikke shaldyqqany jónindegi aqpar ótken aptanyń sońynda paıda boldy. Dúısenbi kúni ony ánshiniń azamattyq nekedegi kúıeýi Dmıtrıı Shepelev rastady.
Aıdar О́risbaev.
Derekkóz: Utro.ru
Foto: Mail.ru
