Soltústik Qazaqstan oblysynyń týmasy, London Olımpıadasynyń chempıony Aleksandr Vınokýrovtyń esimi «Gınnestiń rekordtar kitabyna» endi. Bul týraly egemen.kz tilshisi habarlady.
«Gınnestiń rekordtar kitaby» Vınokýrovtyń 2000 jyly Olımpıadanyń kúmis medali men 2012 jyly araǵa 12 jyl salyp, Olımpıada chempıony ataǵyn jeńip alǵany úshin rekordtar kitabyna engizdi.
Aleksandr Soltústik Qazaqstan oblysyndaǵy Beskól degen aýylda týǵan. Ol 2000 jyly Olımpıadaǵa qatysqan kezde «Deutche Telekom» komandasynyń kapıtany Iаn Ýlrıh pen Andreas Klıodenmen birge márege birinshi kelip, júldeli oryndardy ózara bólisken edi. Sol kezde Iаn altyn medaldi, Aleksandr kúmis júldeni alsa, Adreas úshinshi oryndy ıelengen bolatyn.
Sońǵy ýaqytta Ýlrıhtyń dopıng qoldanǵany jaıly kóp aıtylyp júr. Eger munysy áshkere bolsa, Sıdneıdiń altyn medali Vınokýrovqa alyp beriledi. Al Londonda jasy 40-qa jaqyndap qalǵan Aleksandrdyń 250 shaqyrymdyq jarysta bir top sportshynyń burylysta qulaǵan sátin sátti paıdalanyp, altyn júldeni jeńip alǵanyn bilemiz.
Dastan Kenjalın.
Derekkóz:proteam-astana.com
