Bul týraly Krisha.kz saıty málimet taratty.
Atalǵan joba tabysy jan basyna shaqqanda kúnkóris deńgeıinen tómen jáne turǵyn-úı kezeginde turǵan jandarǵa arnalǵan. Bıyl kúnkóris deńgeıi 34 302 teńgeni quraıdy. Al kezekte turǵandar sany - 185 adam. Jyl saıyn shamamen 18 myń adam kezekke qosylyp otyrady. Bul sanatta kópbalaly otbasylar, jetim balalar, múgedek bala baǵyp otyrǵan otbasylar jáne basqa da áleýmettik osal toptaǵylar bar.
Áleýmettik jaǵdaıy tómen januıalarǵa beriletin turǵyn úıdi jekemenshik qurylys kompanııalar salady. Olar páterlerdiń teń jartysyn turǵyn úı qurylysynyń biryńǵaı operatoryna tabystaýy tıis. Operator páterlerdi «Otbasy bankinde» kezekte turǵandarǵa beredi. Qalǵan páterler naryqqa shyǵarylady.
Mundaı turǵyn úıdi jalǵa alý somasy áli anyqtalmady, alaıda sýbsıdııa lımıti belgilendi.
1 sharshy metr úshin:
- Almaty qalasynda – 0,55 AEK-ke deıin (1 604 teńge);
- Almatynyń shet jaǵynda – 0,45 AEK-ke deıin (1 313 teńge);
- Nur-Sultan men onyń shet jaǵynda – 0,5 AEK-ke deıin (1 459 teńge);
- Shymkentte – 0,45 AEK-ke deıin (1 313 teńge);
- Aqtóbe, Atyraý, Aqtaý, Túrkistan, Qaraǵandy jáne Qostanaı oblystarynda – 0,4 AEK-ke deıin (1 167 teńge);
- Basqa óńirlerde – 0,35 AEK-ke deıin (1 021 teńge).
Mysaly, Almaty qalasynda aýmaǵy 60 sharshy metr bolatyn 2 bólmeli páterdi jalǵa alý úshin 96 240 teńge kómek retinde beriledi. Qalǵanyn jalǵa alýshy óz qaltasynan tóleıdi.
Qazaqstan boıynsha turǵyn úı kezeginde 562 myń adam tur.
