Qazirgi kezde jekelegen mekemeler memlekettik satyp alý zańynan shıkilik jiberip jatady. Qyzylorda oblysy Jańaqorǵan aýdandyq prokýratýrasy 2013 jyly buǵan qatysty tekserý júrgizip, 13 zań buzýshylyq anyqtady. Osynyń negizinde 14 memlekettik qyzmetkerdi tártiptik jaýapkershilikke tartý týraly másele qozǵaldy.
Aýdandaǵy О́zgent aýyldyq okrýgi ákiminiń apparaty ótken jyly Úsen ata, Dosan ata, Rahmanov, I. Ábdikárimov, A. Qunanbaev, S. Seıfýllın jáne M.Jumabaev kóshelerine ortasha jóndeý jumystaryn júrgizý úshin memlekettik satyp alý veb-portalyna habarlandyrý jarııalaǵan. Konkýrsqa qatysýǵa «Aqjol», «Nur-stroı LTD» jáne «Shıeli jolshy» jaýapkershiligi shekteýli seriktesteri ótinim beripti. Bul jerde atalǵan seriktester talapqa sáıkes salyq bereshegi, mindetti zeınetaqy jarnalary men áleýmettik aýdarymdary týraly málimetti belgilengen merzimde tapsyrýy qajet. Osyndaı negizgi mindetti óz dárejesinde oryndaı almaǵan «Aqjol» men «Nur-stroı LTD» jaýapkershiligi shekteýli seriktesteri konkýrsqa jiberilmedi. Osydan keıin joǵaryda atalǵan ákimdik bir kózden satyp alý tásilimen «Shıeli jolshy» seriktestigin jóndeý jumystaryna qatystyrýdy uıǵaryp, oǵan bólinetin qarjy kólemin 46 106 390 teńgege baǵalaý arqyly shart jasasady.
Endi máseleniń basyn ashyp alý úshin mynaǵan nazar aýdarǵymyz keledi. Memlekettik satyp alý týraly zańnyń 40-babynyń 1-tarmaǵynda kórsetilgendeı, memlekettik satyp alý týraly shart oǵan tapsyrys berýshi men ónim berýshi qol qoıǵannan keıin ne konkýrstyq qujattamada kózdelgen sharttyń oryndalýyn qamtamasyz etýdi ónim berýshi tolyq engizgennen keıin kúshine enetindigi belgili.Osy negiz boıynsha merdiger sharttyń 66-tarmaǵynda kórsetilgen barlyq jumystar aıaqtalǵannan keıin, tapsyrys berýshige jumystardyń aıaqtalǵany týraly habarlama jiberýi tıis. Al tapsyrys berýshi jeti kún merzimnen keshiktirmeı jumystardyń aıaqtalýyn baǵalaý jónindegi komıssııa quramyn taǵaıyndaıdy. Sonymen birge, jumysshy komıssııasy kemshilikterdiń tizbesin jasap shyǵyp, ony joıý merzimin nysandy tapsyrý kúninen kesheýildetpeýi qajet. Eger merdiger shartta kórsetilgen merzimde jumysty aıaqtamasa, tapsyrys berýshi árbir merzimi ótken kúnge 0,1 paıyz somasynda turaqsyzdyq aıybyn eseptep shyǵarady. Jalpy, bul talapty keıbir mekemedegi óndiris salasyna jaýapty qyzmetkerler bile bermeıdi. Búgingi kúnniń eń basty máselesi de osy bolyp tur. Sonyń bir shalaǵaı kórinisi joǵaryda biz atap ótken О́zgent aýyldyq okrýgi ákimdiginde oryn aldy.
2013 jyldyń 16 qazanynda «Shıeli jolshy» JShS О́zgent aýyldyq okrýgi ákimdigine ózderine júktelgen jumysty aıaqtaǵanyn, onyń sapasyn tekserý úshin arnaıy komıssııa quramyn bekitý qajettigin málimdegen. Osyǵan baılanysty jasaqtalǵan komıssııa tóraǵalyǵyna jergilikti ákimdiktiń bas mamany T.Kórkembaev, al onyń músheleri bolyp aýdandyq sáýlet jáne qala qurylysy bóliminiń bas mamany A.Úskenbaev, «Ádilbek jáne kompanııa» tolyq seriktestiginiń dırektory A.Tasbolatov, aýdandyq sanıtarlyq-epıdemıologııalyq qadaǵalaý basqarmasy basshysynyń orynbasary A.Turǵanbaev, aýdandyq jumyspen qamtý ortalyǵynyń áleýmettik mamany B.Balabekov, jeke kásipker E.Qabylbaev jáne «Shıeli jolshy» JShS dırektory A.Abdýllaev bekitilgen.
Alaıda, osy quramdaǵy jekelegen azamattardyń atqarylǵan jumysty baǵalaýǵa qatyspaǵany málim boldy. Buǵan qosa, seriktestik keıbir kemshilikterdi qalpyna keltirýge asyqpaǵan. Osy olqylyqqa baılanysty 1106 544 teńge ósimpul óndirý máselesi de nazardan qaǵys qaldy. Mundaı óreskel qatelikke qatysty «Sybaılas jemqorlyqqa qarsy kúres týraly» zańynyń 12-baby 1-tarmaǵynyń 4-tarmaqshasynda sheshimder ázirleý men qabyldaý kezinde zańdy jáne jeke tulǵalarǵa zańsyz artyqshylyq kórsetý, sondaı-aq, osy zańnyń 5-tarmaqshasynda kimge bolsa da tabys alýǵa baılanysty kásipkerlik jáne ózge de qyzmetti júzege asyrýda zańdarda kózdelmegen kez kelgen járdem kórsetý áreketteri sybaılas jemqorlyqqa jaǵdaı týǵyzatyn quqyq buzýshylyq bolyp tabylatyndyǵy aıtylǵan .Bul rette О́zgent aýyldyq okrýgi ákiminiń atyna zań buzýshylyqtardy joıý jóninde usynys engizilip, kemshilikke jol bergen bir qyzmetkerdi tártiptik jaýapkershilikke tartý máselesi qarastyryldy.
Nurjan Aıekenov,
Qyzylorda oblysy Jańaqorǵan aýdany prokýrorynyń kómekshisi.
