«Máńgilik El» uǵymy ulttyq ıdeıaǵa aınalýy kerek degen qýatty oı, qutty lebiz meniń aqyn júregime úmittiń shalqar shuǵylasyn quıdy.
Qazaq degen eldiń joıylyp ketpeýi úshin jan berisip,jan alysqan batyrlar men kúńirenip ótken abyzdardyń, aq tileýli analardyń armany da ulan-ǵaıyr dalanyń beıbit halqymyzǵa máńgilik qonys bolýy edi ǵoı!
«Máńgilik El» uǵymy ulttyq ıdeıaǵa aınalýy kerek degen qýatty oı, qutty lebiz meniń aqyn júregime úmittiń shalqar shuǵylasyn quıdy.
Qazaq degen eldiń joıylyp ketpeýi úshin jan berisip,jan alysqan batyrlar men kúńirenip ótken abyzdardyń, aq tileýli analardyń armany da ulan-ǵaıyr dalanyń beıbit halqymyzǵa máńgilik qonys bolýy edi ǵoı!
Azattyqtyń kemesinde mezgildiń sheksiz muhıtyna uly sherý tartqan memleketimiz úshin jańa tarıhı kezeń bastalǵan sııaqty.
Qazaqstan Respýblıkasynyń Prezıdenti Nursultan Ábishuly Nazarbaevtyń Astanadaǵy Táýelsizdik saraıynda Qazaqstan halqyna arnaǵan bıylǵy Joldaýynan osyndaı sheshimdi oı túıdik.
Máńgilik El. Máńgilik Til.
Endigi jerde mıllıondaǵan adamnyń aýzynan Máńgilik El bolamyz degen ataly sóz aıtylyp, óskeleń urpaq osy ıdeologııamen ómir súretin bolady. «Jaqsy oıla. Jaqsy sóıle. Jaqsy orynda. Jaqsy ómir súr», delinedi aqyldy kitaptarda. Bul qaǵıdany ustanǵan adam – jaqsy adam. Jaqsy adamdar memleketimizdiń mereıi emes pe? «Jaqsy sóz – jarym yrys». «Sózdiń jany bar», deıdi dana halqymyz.
Iá, tilekter qabyl bolady – izgi nıetimizge áreketimiz saı kelip, ishimizdegi qasıetti kúshimizdiń ıgiligin isimizde kórsetýge ynta-jigerimiz jetse! «Adamzattyń baratyn ǵasyryna aman-esen jetse eken ısi qazaq», dep jyrlap edik biz de Táýelsizdiktiń alǵashqy tańynda. Shúkir, solaı bolaryna shúbásiz senetin kez kelgen sııaqty.
Ilgeri úmittiń máńgiliginen ómirdiń uzaq joldary bastalady. Kóp dúnıe qamtylǵan bıylǵy Joldaýdaǵy qazaqstandyqtardyń patrıottyq, gýmanıstik sezimderine tamyzyq tastaıtyn tujyrymdardy qalyń kópshilik qyzý qoldady. Quryp bara jatqan qundylyqtardyń biri – adamnyń adamǵa janashyrlyq kórsetýi edi. Joldaýda bul da eskertildi.
Osy joly da mıymyzdy ǵylym-bilimge, bilegimizdi jumysqa jegýdiń asa mańyzdylyǵy basa aıtyldy.
2050 Strategııasy alys keleshekti aqylmen sholyp, ǵaryshtyq keńistikti qııalmen sharlaǵan ór rýhty halqymyz úshin sonsha saǵym dúnıe emes.
О́lshemderi áıdik, teńeýleri de boıshań, nán.
Qudalaryn-daǵy «myń jyldyq quda» deı salǵan.
О́reli halqym, órkenıetke oı salǵan,
Aman bol, kóp bol, dańqynan dushpan taısalǵan.
Árbir otandasymyz jaýapkershilik tizginin tartyp ustap, ýaqyt degen ǵalamatty utymdy ıgerip, ózi úshin, jaqyndary úshin, otbasy, Otany úshin qulshynyp bilim izdep, eńserip eńbek etse, tártibimiz ketpese, tabıǵatymyz azbasa, 30 eldiń arasynan qara kórsetýimizge kim kedergi bola alar?!
Elbasynyń naqty usynystary men tapsyrmalary elim degen erlerge, memlekettik qyzmettegilerge orasan úlken mindet júkteıdi. Onyń oryndalý múmkindikteri men joldaryn Prezıdent jerine jetkizip aıtty. Máńgilik El bolý úshin qýatymyz artyp, mádenıetimiz kóterilýi kerektigin saralap, damýdyń barlyq salasynda ádilettilik pen sapalylyqtyń qadaǵalanýyn tıisti oryndarǵa tapsyrdy. Arǵy jaǵy árkimniń ar, namysyna amanat!
Osy jolǵy rýhymyzdy kótergen ulttyq ıdeıa – Máńgilik El bolý – qazaqstandyqtar úshin jasampaz arman, jarqyn jol.
Tańǵy aýanyń taýsylmaı taza lebi,
Jan dalanyń ashylyp ajar, óńi,
Shańyraǵyna tógilip rahman nury,
Jer betinde máńgi tur, Qazaq Eli!
Kúlásh AHMETOVA,
Qazaqstan Respýblıkasy Memlekettik
syılyǵynyń laýreaty.
Taraz.
