Keshe Premer-Mınıstr Serik Ahmetovtiń qatysýymen «QTJ» UK» AQ 2013 jyly atqarylǵan jumystarynyń qorytyndysyn shyǵardy. Sonymen qatar, 2014 jylǵy basym baǵyttar belgilendi.
Keshe Premer-Mınıstr Serik Ahmetovtiń qatysýymen «QTJ» UK» AQ 2013 jyly atqarylǵan jumystarynyń qorytyndysyn shyǵardy. Sonymen qatar, 2014 jylǵy basym baǵyttar belgilendi.
Ulttyq kompanııa ótken jyldy tabysty aıaqtady. Elimizdiń kóliktik-tranzıttik áleýetin keńeıtip, kóliktik-logıstıkalyq habty damytý, sondaı-aq, tasymaldaý jyldamdyǵyn arttyryp, servıstik qyzmetti jaqsartý jumystary nátıjeli boldy.
Jınalysta kompanııa prezıdenti A.Mamın baıandama jasady. «2013 jyly «QTJ» UK» AQ barlyq negizgi óndiristik jáne qarjylyq mindettemelerin tolyq oryndady», dedi ol. Sonymen, jospardaǵydan júk aınalymy – 1, jolaýshy aınalymy 0,3 paıyzǵa ósken. Taza tabys – 3,2, eńbek ónimdiligi ár adamǵa shaqqanda 1,3 paıyzǵa, ıaǵnı artyǵymen oryndalǵan. Munymen qatar, kompanııa strategııalyq damýyn júzege asyryp, óndiriske jańa tehnologııalar engizipti. Aktıvteri de jańǵyrtylýda eken. Kompanııanyń qory jeke óndiristik jáne joǵary tehnologııalyq ónimdermen tolyqtyrylyp jatqan kórinedi. Atap aıtqanda, «Lokomotıv qurastyrý zaýyty» AQ teplovozdary men «Tulpar-Talgo» JShS, sondaı-aq «QVK» JShS ónimderimen tolyǵa túsken. Qańtar aıynda 12 qazaqstandyq alǵashqy teplovozdar tájirıbelik synaqtan ótkizilipti.
Byltyr 135 lokomotıv, 3154 júk, 288 jolaýshylar vagonyn satyp alyp, 631 shaqyrym joldy kúrdeli jóndeýden ótkizip úlgirgen. Munymen birge, jańa jolaýshy poıyzdarynyń quramy – Astana – Atyraý, Almaty – Atyraý baǵdaryna shyǵa bastady. Al bıyl júrdek poıyzdar Astana – Qyzylorda, Almaty – Aqtóbe, Astana – О́skemen, Almaty – О́skemen, Almaty – Tashkent baǵyttaryna jol tartady eken. Halyqaralyq júk poıyzdarynyń konteınerlik quramalary Chýnsın – Dostyq – Dýısbýrg, Chendý – Dostyq – Lodz baǵyttaryna qatynaı bastapty. Aldyn ala aqparattyq baǵdarlama jáne elektrondy resimdeý arqyly bul poıyz toqtaýsyz táýligine 997, keı tustarda 1100 shaqyrymǵa deıin júredi. О́tken jeltoqsan aıynan beri Sıan – Qazaqstan konteınerlik poıyzy jasaqtalyp, Eýropadan Azııaǵa jáne keri qaraı qysqa merzimde júıeli túrde júk tasymaldana bastasa, bıyl Sıan – О́zbekstan, Shenjen – Qazaqstan, Lıanıýngan – Qazaqstan konteınerlik júrdek júk poıyzdary jasaqtalady, deıdi A.Mamın.
Sondaı-aq, byltyr Jezqazǵan-Beıneý jáne Arqalyq-Shubarkól magıstraldarynyń joǵarǵy qabatyn tósep, torkózdi relsti-shpaldardy túıistiripti. Osy jyly temirjolshylar jańa jelilerdegi ınfraqurylymdardy aıaqtap, stansadaǵy áleýmettik jáne ınjenerlik nysandardyń qurylysyn bitirýdi kózdep otyr. QTJ-nyń bazasynda «KTZ Express» AQ kóliktik-logıstıkalyq operatory qurylypty. Ol temirjol, Aqtaý teńiz porty, 11 áýejaı, «Qorǵas» halyqaralyq shekaralyq stansasy arasyndaǵy kóliktik-logıstıkalyq tizbek jumysyn úılestiredi.
Baıandamashylardy muqııat tyńdaǵan S.Ahmetov temirjol kompanııasy 2013 jyly Memleket basshysy men Úkimet bergen tapsyrmalardy oıdaǵydaı oryndaǵanyn atap ótti. Saladaǵy óndiristiń damý qarqynyna kóńili tolatynyn bildirdi. Temirjol boıyndaǵy ınfraqurylymnyń jaqsarǵanyna da nazar aýdardy. Elbasy «Qazaqstan joly – 2050: bir maqsat, bir múdde, bir bolashaq» atty Joldaýynda tranzıtti jetildirip, temir joldardyń ótkizý qabiletin arttyrýdy júktedi. Bul tapsyrmanyń múltiksiz oryndalýyna mindettimiz. Sondaı-aq, vokzaldardy kúrdeli jóndeýlerden ótkizip jatyrmyz. Bul da quptarlyq jumys. О́ıtkeni, EKSPO-2017-ge deıin qalalar men razezderdiń báriniń vokzaldaryn retke keltirip úlgerýge tıispiz. Al, Úkimet tarapynan temirjol kompanııasyn qoldaý sharalary jalǵasa beredi, dedi Premer-Mınıstr. Dese de, Úkimet basshysy jolaýshylar tasymalyna qatysty synı pikirin de bildirdi. Vagondardyń sanıtarlyq tazalyq jaǵdaıy syn kótermeıtinin aıtty. Sondaı-aq, bılet baǵasynyń qymbattaýy kórsetiletin servıske sáıkes bolýy kerektigin nazarǵa aldy. Munymen qatar, taýaryn eksportqa shyǵaratyn otandyq kásiporyndar men kompanııalarǵa jeńildikter qarastyrylýy tıis ekenin qaperge saldy. Tipti, olarǵa sýbsıdııa qarastyrǵan jón bolatynyn bildirdi. Sóz sońynda Úkimet basshysy temirjolshylarǵa birqatar tapsyrmalar berip, olardyń oryndalý barysy Úkimettiń baqylaýynda bolatynyn eskertti.
О́z kezeginde temirjolshylar bıyl júk aınalymyn – 233,8 mlrd. tonna-shaqyrymǵa, jolaýshylar aınalymyn 17,3 mlrd. jolaýshy-shaqyrymǵa jetkizip, kiris kólemin 962 mlrd. teńgege jetkizýge mindetteme aldy.
Nurbaı ELMURATOV,
«Egemen Qazaqstan».
