Jambyl oblysynda 70-tegi kisi 21-degi qyzǵa úılenbekshi bolyp alyp qashqan. Bul týraly «Vremıa» gazeti jazdy.
Habarlanǵandaı, oqıǵa ótken jylǵy 18 jeltoqsan kúni túnde oryn alǵan.
Jambyl oblysynda 70-tegi kisi 21-degi qyzǵa úılenbekshi bolyp alyp qashqan. Bul týraly «Vremıa» gazeti jazdy.
Habarlanǵandaı, oqıǵa ótken jylǵy 18 jeltoqsan kúni túnde oryn alǵan.
«Saǵat 21:30-da maǵan Qarataý qalasynda turatyn Altynaı degen tanysym keldi. Ol ekeýmizdiń ortaq qurbymyzdyń úıine birge qonaqqa baryp qaıtýymdy surady. Daıyn mashına bar dedi. Dalada shynynda aq tústi BMW tur eken. Eshqandaı bóten oıda bolmaǵan men onyń artqy oryndyǵyna otyrdym. Eki jaǵyma eki áıel jaıǵasty. Al aldynda shashyn aq shalǵan, maǵan ata bolyp keletin qart kisi otyrdy. Onyń mende oıy bar ekenin eń bir qorqynyshty túsimde de kórmes edim», – dedi 21 jastaǵy jábir kórýshi, Taraz polıtehnıkalyq kolledjiniń oqýshysy Kenjeaıym Qoıteli.
Onyń aıtýynsha, bular Qarataýǵa kelgende, toıǵa gýildesip daıyndalyp jatqan jurttyń ústinen túsedi. Kele sala olar qyzdy bir bólmege qamap, uıaly telefonyn alyp qoıady. Túnde oǵan manaǵy qarııa kelip, sóılespekshi bolady. Onyń aýzynan araqtyń ıisi ańqyp turady. Sol kezde Kenjeaıym eger ózine tıisetin bolsa, ózine ózi qol jumsaıtynyn aıtyp qorqytady.
Kelesi kúni toıdy uıymdastyryp júrgender munda óz erkimen kelgeni týraly qolhat jazyp berse, uıaly telefonyn qaıtyp beretinderin aıtady. Alaıda, Kenjeaıymnan keregin jazdyryp alǵannan keıin de telefondy qaıtarmaıdy. Al qolhatty habarshylar qyzdyń ata-anasyna aparyp beripti. Sol boıynsha sońynan týystary kelgen kezde Kenjeaıym tek ózin alyp ketýdi ǵana suraıdy…
Aıtýlarynsha, bostandyqqa shyqqan soń qyz polısııaǵa aryzdanypty. Biraq ondaǵylar urlap ketýshilerdiń ony óz erikterimen bosatyp jibergenderin aıtyp, is qozǵamaı qoıady.
«Egemen-aqparat».
