Qoǵam • 25 Tamyz, 2021

Tamyz aıynda 854 myń adam AÁK aldy

51 ret kórsetildi

2021 jylǵy 1 tamyzdaǵy jaǵdaı boıynsha 177,9 myń otbasyndaǵy 854,3 myń adamǵa ataýly áleýmettik kómek taǵaıyndaldy. Aǵymdaǵy jyly osy maqsattarǵa bıýdjetten 122,8 mlrd teńge bólindi, dep habarlaıdy Egemen.kz.

Bul týraly Eńbek jáne halyqty áleýmettik qorǵaý mınıstrligi málimdedi.

«AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeıiniń 70%-ynan tómen azamattarǵa taǵaıyndalady.

Budan basqa, AÁK kórsetýdiń jańa tetigin iske asyrý sheńberinde elimizdiń barlyq óńirinde tabysy az otbasylardyń mektep jasyna deıingi balalaryn kepildik berilgen áleýmettik toptamamen (budan ári – áleýmettik toptama) qamtamasyz etý boıynsha jumys júrgizilip jatyr», delingen habarlamada.

2021 jylǵy 1 tamyzda AÁK alýshylar qataryndaǵy 1 jastan 6 jasqa deıingi 216 myń balaǵa azyq-túlik jáne turmystyq hımııa jıyntyǵy túrinde áleýmettik toptama taǵaıyndaldy.

Esterińizge sala keteıik, AÁK alýshylarǵa TJ rejımi men karantın shekteý sharalarynyń qoldanylýyna baılanysty 2020 jylǵy II, III jáne IV toqsandarda, sondaı-aq 2021 jylǵy I, II toqsandarda kómek taǵaıyndaý uzartyldy.

Qazirgi ýaqytta qazaqstandyqtar AÁK taǵaıyndaýǵa ótinishti turǵylyqty jeri boıynsha jumyspen qamtý ortalyǵynda, sondaı-aq egov.kz elektrondy úkimet portaly arqyly bere alady.

 

 

Sońǵy jańalyqtar

Erlan Qııasov jańa qyzmetke taǵaıyndaldy

Taǵaıyndaý • Búgin, 20:10

Tamyz aıyndaǵy UBT aıaqtaldy

Bilim • Búgin, 19:53

Baqyt Sultanov qyzmetinen bosatyldy

Qazaqstan • Búgin, 18:00

Dollar arzandady

Ekonomıka • Búgin, 16:42

Soltústik óńirlerde qant qymbattady

Aımaqtar • Búgin, 14:01

Uqsas jańalyqtar