Týrnırdiń toptyq kezeńi aıasynda qazaqstandyq jasaqtyń alǵashqy oıyny Ýkraına quramasyna qarsy ótti. Ýkraındyqtar Kýboktyń aldyńǵy utys oıyndarynda jaqsy nátıje kórsetip, toptyq kezeńnen senimdi ótti.
Esepti qarsylas komanda ashty, al qazaqstandyq oıynshylarǵa alǵashqy upaılaryn jınaý úshin eki mınýttaı ýaqyt qajet boldy. Biraq bir mınýttan keıin komandalar 4:4 esebimen teńesti. Alaıda, bizdiń komanda oıyn tizginin qolǵa ala almady.
Oıynnyń ekinshi bóliginde ýkraındyqtar oıynǵa aıtarlyqtaı qosylyp, tek 2 upaı bolǵan shottaǵy aıyrmashylyq tez arta bastady. Nátıjesinde «Dala qasqyrlary» match qorytyndysy boıynsha 12:22 esebimen utyldy.
Ýkraındyqtarmen oıynda Arsen Ordokov pen Rodıslav Rodıonov óz esebine 5 upaıdan jazyp alsa, Artem Týgalev komandaǵa eki upaı ákeldi.
Qazaqstan da, Indonezııa da týrnırdegi alǵashqy oıyndarynan jeńilip qaldy. Sondyqtan eki komanda úshin de bul match óte mańyzdy boldy, óıtkeni jeńimpaz komanda pleı-offqa shyǵý múmkindigin saqtap qala alady.
Esepti «Dala qasqyrlary» ashsa da, ındonezııalyqtar alǵa shyqty. Jalpy, eki top arasyndaǵy kezdesýdiń birinshi jartysy nátıjeli ákelmedi. Dese de, oıynnyń ekinshisi jartynysynda «qasqyrlar» jeńisti 17:15 esebimen julyp alyp, pleı-offqa shyǵý múmkindigin saqtap qaldy.
Búgin «A» toby aıasynda taǵy eki kezdesý ótti. Aldymen Brazılııa Indonezııany 16:9 esebimen jeńdi, sodan keıin Ýkraına Brazılııaǵa 8:22 esebimen úlken jeńilis ákeldi. Osylaısha, Indonezııa eki jeńilispen toptyq kezeńnen ótý múmkindigin joǵaltty, al Qazaqstan men Brazılııa betpe-bet qarsylyqta týrnırdiń fınaldyq kezeńine shyǵý úshin kúresetin bolady.
