Tel-Avıvte Qazaqstan Qorǵanys mınıstriniń resmı sapary barysynda Qazaqstan men Izraıl qorǵanys vedomstvolary basshylarynyń kezdesýi boldy. Kezdesý barysynda Ádilbek Jaqsybekov pen Moshe Iаalon eki el arasyndaǵy áskerı jáne áskerı-tehnıkalyq yntymaqtastyqtyń aǵymdaǵy jaǵdaıy men perspektıvalaryn talqylady.
Tel-Avıvte Qazaqstan Qorǵanys mınıstriniń resmı sapary barysynda Qazaqstan men Izraıl qorǵanys vedomstvolary basshylarynyń kezdesýi boldy. Kezdesý barysynda Ádilbek Jaqsybekov pen Moshe Iаalon eki el arasyndaǵy áskerı jáne áskerı-tehnıkalyq yntymaqtastyqtyń aǵymdaǵy jaǵdaıy men perspektıvalaryn talqylady.
– Qazaqstan is júzinde táýelsizdik alǵan ýaqyttan beri Izraılmen dıplomatııalyq qarym-qatynasyn jalǵastyryp keledi. Qazaqstan qorǵanys vedomstvosy ızraıldik tarappen áskerı jáne áskerı-tehnıkalyq yntymaqtastyqty odan ári damytýǵa múddeli, ol qazirgi ýaqytta aıtarlyqtaı jandana tústi, – dedi Á.Jaqsybekov óz sózinde.
О́z kezeginde Izraıl Qorǵanys mınıstri Moshe Iаalon Qazaqstan Qorǵanys mınıstriniń Izraıl memleketine alǵashqy resmı sapary eki el qorǵanys vedomstvolary arasyndaǵy ózara is-qımyldy odan ári damytýǵa oń yqpal etetinin atap ótti.
Taraptar Qazaqstan men Izraıldiń áskerı yntymaqtastyǵy Tel-Avıvte qol qoıylǵan Áskerı-tehnıkalyq yntymaqtastyq týraly úkimetaralyq kelisimdi iske asyrý sheńberinde jańa qarqynǵa ıe bolatynyn atap ótti.
Á.Jaqsybekov osy kelisim eki el qorǵanys vedomstvolarynyń jaqsy perspektıvalyq ózara is-qımylyna baǵyttalǵan taǵy bir qadam bolady degen úmitin jetkizdi.
– Qazaqstannyń óz Qarýly Kúshterin jetildirý nıetin eskere otyryp, bizge Izraıl Armııasynyń jaýyngerlik daıarlyq tájirıbesi qajet jáne mańyzdy, biz vedomstvolarymyzdyń teń quqyly jáne ózara tıimdi negizdegi yntymaqtastyǵyn júzege asyra alamyz, – dedi Qazaqstan Qorǵanys vedomstvosynyń basshysy.
Arnaýly maqsattaǵy kúshter arasyndaǵy baılanysty jolǵa qoıý maqsatynda Á.Jaqsybekov Izraıl Qarýly Kúshteriniń ókilderin 14-19 shildede Spasskide ótetin «Altyn úki» mergender juptarynyń halyqaralyq jarysyna qatysýǵa shaqyrdy.
Izraılge resmı sapary barysynda Qorǵanys mınıstri bastaǵan qazaqstandyq áskerı delegasııa birqatar álemdik áskerı tehnıka óndirýshi kompanııalarda: qarý-jaraq júıelerin óndirýmen, jańǵyrtýmen jáne áskerlerge ıntegrasııalaýmen aınalysatyn Israel Military Industries (IMI); qarý-jaraqtyń ár túrin, ushaqsyz ushatyn apparattar júıelerin, avıonıkany, radıolokasııany ázirleý jáne jańǵyrtý jónindegi, ǵaryshtyq barlaý jerserikterin ázirleýge qatysatyn «Elbit Systems», áýe shabýylyna qarsy qorǵanys júıeleriniń zymyrandary men avıasııalyq tehnologııalaryn, taktıkalyq zymyran qarýyn shyǵaratyn «Rafael» kompanııalarynda boldy. Kompanııalardyń polıgondarynda qazaqstandyq áskerı delegasııaǵa shyǵarylatyn qarý-jaraqtyń is júzinde qoldanylýy kórsetildi.
Áskerı-tehnıkalyq salada ári qaraı ózara is-qımyldy jolǵa qoıý úshin Qazaqstan qorǵanys vedomstvosynyń basshysy Izraıldiń qorǵanys kompanııalaryn mamyr aıynda Astanada ótetin halyqaralyq «KADEKS-2014» qarý-jaraq pen áskerı-tehnıkalyq múlik kórmesine qatysýǵa shaqyrdy.
«Egemen-aqparat».
