Shymkent qalasy boıynsha bekitilgen 18 ınvataksı múmkindigi shekteýli jandardy qala ishindegi qalaǵan mekenjaıyna tegin aparady. Máselen, jumys, oqý ornyna, medısınalyq mekemelerge, áýejaı, temirjol vokzaly jáne t.b. belgilengen pýnktterge jetkizedi. Invataksı qyzmetine júrip-turýy qıyn birinshi, ekinshi top pen 16 jasqa deıingi múgedektigi bar azamattar júgine alady.
Bekitilgen avtokólikter jyljymaly qurylǵymen jáne kreslo-arbalardy ornatýǵa arnalǵan quraldarmen jabdyqtalǵan.
«Men 2-shi top múgedegimin, Invataksıdiń kómegimen kúnde jumysqa baramyn. Memleketten berilip jatqan ınvataksı – qolaıly, qoljetimdi. Tek ótinishti 1 kún buryn qaldyrý kerek. О́tinish qabyldanǵan soń qalaǵan jerińe tegin barýǵa bolady. Osy sekildi kómek túrlerin alyp jatqanymyzǵa alǵysymyz sheksiz», deıdi qala turǵyny Meıirjan Quttyqbaı.
Aıta keteıik, ınvataksı qyzmeti jyl basynan beri 500-den astam azamattan ótinim qabyldanǵan. Kúnine 200-ge jýyq tapsyrys túsedi. О́tinish berýshi 1 kún buryn dıspetcherge (8 (7252) 57-70-06) habarlasyp, tapsyrys qaldyra alady.
