Hromtaý aýdanynyń Qopa aýylynda elimizdegi eń iri mal sharýashylyǵy kesheni – jobalyq qýattylyǵy 6 500 asyl tuqymdy iri qara ustalatyn reprodýktor ferma paıdalanýǵa berildi. Et eksportynyń áleýetin arttyratyn biregeı bul jobany «QazAgroQarjy» aksıonerlik qoǵamy qarjylandyrdy, «Molochnye ıstorıı» jaýapkershiligi shekteýli seriktestigi júzege asyrdy. Keshendi salýǵa 1,5 mlrd. teńge jumsalǵan. Ferma kesheninde mal baǵýǵa arnalǵan birneshe qoralar, sıyr buzaýlaıtyn, tól kútetin oryndar bar. Negizinen mal ashyq aýlada ustalady, qatty aıaz, ókpek jel bolǵanda ǵana kiredi qoralarǵa. Sý qubyrmen kelip tur. Munymen birge, ákimshilik-sharýashylyq korpýsy, malshylar turatyn úıler salynyp, jeke sý tartqysh jáne elektr jabdyqtarymen qamtamasyz etilgen. Sharýashylyqtyń jaıylymymen alǵandaǵy jalpy aýdany 34 myń gektardy quraıdy. Búgingi kúni sharýashylyq kesheninde 2 500 shetelden ákelingen aberdın-angýs asyl tuqymdy iri qara maly tur.
Hromtaý aýdanynyń Qopa aýylynda elimizdegi eń iri mal sharýashylyǵy kesheni – jobalyq qýattylyǵy 6 500 asyl tuqymdy iri qara ustalatyn reprodýktor ferma paıdalanýǵa berildi. Et eksportynyń áleýetin arttyratyn biregeı bul jobany «QazAgroQarjy» aksıonerlik qoǵamy qarjylandyrdy, «Molochnye ıstorıı» jaýapkershiligi shekteýli seriktestigi júzege asyrdy. Keshendi salýǵa 1,5 mlrd. teńge jumsalǵan. Ferma kesheninde mal baǵýǵa arnalǵan birneshe qoralar, sıyr buzaýlaıtyn, tól kútetin oryndar bar. Negizinen mal ashyq aýlada ustalady, qatty aıaz, ókpek jel bolǵanda ǵana kiredi qoralarǵa. Sý qubyrmen kelip tur. Munymen birge, ákimshilik-sharýashylyq korpýsy, malshylar turatyn úıler salynyp, jeke sý tartqysh jáne elektr jabdyqtarymen qamtamasyz etilgen. Sharýashylyqtyń jaıylymymen alǵandaǵy jalpy aýdany 34 myń gektardy quraıdy. Búgingi kúni sharýashylyq kesheninde 2 500 shetelden ákelingen aberdın-angýs asyl tuqymdy iri qara maly tur.
Aýyldyń irgesine, oqshaý jerge ornalasqan sharýashylyq kesheni syrtynan qaraǵanda shaǵyn qalashyq sııaqty. Úlken mal sharýashylyǵy óndirisi bolǵandyqtan keshenge kirip-shyǵýǵa arnaıy ruqsat kerek, maldárigerlik talaptardy qatań saqtaýǵa nazar aýdarylǵan.
«Molochnye ıstorıı» jaýapkershiligi shekteýli seriktestiginiń quryltaıshysy «Aktep» JShS-niń bas dırektory Nurlan Saǵynalın mal sharýashylyǵy kesheniniń jaǵdaıymen qysqasha tanystyryp ótti. Bul keshende ettik baǵyttaǵy mal baǵylatyn bolady. Ázirge keshenniń 3200 iri qaraǵa arnalǵan birinshi kezegi ashylyp otyr eken. Munda alǵashqy mal ótken jazda Amerıkadan ákelingen. Qalǵan 4 myń asyl tuqymdy iri qara aldaǵy kóktemde Avstralııadan jetkizilmek. Osy jerde jylyna 5 myń asyl tuqymdy buzaý alynyp, oblysqa taratylatyn bolady. Taıógiz bordaqylanyp etke ótkizilmek, urǵashy buzaý sharýa qojalyqtaryna satylady. Sol arqyly óńirdegi iri qaranyń sapalyq quramy jaqsaryp, ónimdiligin arttyrý kózdelýde. Oblystyq ákimdik keshenge jaıylymdyq jer bólgen. Alaıda, ol jerlerde sý kózi joq eken. «QazAgroQarjy» aksıonerlik qoǵamynyń qarjylandyrýymen bul másele de sheshilip, jeldiń kúshin paıdalanatyn sýtartqyshtar ornatylmaq. Sý alatyn 24 uńǵyny burǵylaý jaqynda bastalmaq. Jaıylymda da sý máselesi tolyq sheshiledi. Bul keshen et klasterin quraıdy. Oǵan qurama jem zaýyty, et kombınaty, bordaqylaý kesheni jáne osy reprodýktor kiredi. Et kombınaty bıylǵy jyly salynady dep kútilýde. Mal bordaqylaý kesheni qazirdiń ózinde jumys istep tur.
Osy fermada 70-ten astam adam eńbek etedi. Bul jumysshylar negizinen fermaǵa jaqyn ornalasqan Qopa aýylynyń turǵyndary. Buǵan deıin eki qolǵa bir kúrek taba almaǵan aýyldyqtardyń kóńili kóterińki. Atakásipterine qaıta oralǵan aýyldyqtar fermanyń bolashaǵynan kóp úmit kútedi. Quryltaıshylardyń jumysshylarǵa eńbek etýge jasaǵan jaǵdaıyn, satyp alynǵan sý jańa tehnıkalardy kórip, bul fermanyń jumysy tabysty bolatynyna senimdi bola túsesiń. Jumysshylar úshin ashana da jumys isteıdi. Demalatyn oryn da bar.
Elbasynyń tapsyrmasynyń biri – iri qara mal etiniń eksporttyq áleýetin damytý maqsatynda, iri qara malynyń et klasterin qurý boıynsha osy reprodýktor ferma jobasynyń quryltaıshysy Alǵa aýdanyndaǵy «Aktep» jaýapkershiligi shekteýli seriktestigi negizinde ınvestısııalyq jobanyń birinshi kezeńi iske asyrylýda. Bul atalǵan joba oblys halqyn iri qara mal etimen qamtamasyz etýge, et óniminiń eksporttyq áleýetin arttyrýǵa jáne aýmaqty joǵary ónim beretin asyl tuqymdy iri qara malymen qamtamasyz etýge baǵyttalǵan. Bul jerde qazaqtyń aqbas, áýlıekól syndy jergilikti mal tuqymdaryn ósirýge de erekshe kóńil bólinýde, 10 myń iri qarany bordaqylaýǵa arnalǵan alańnyń qurylysy aıaqtaldy. Munda qazirdiń ózinde mal bordaqylanýda. Qýattylyǵy 20 myń tonna quraıtyn qurama jem zaýyty salyndy. Endi «Molochnye ıstorıı» JShS-niń reprodýktor fermasy tolyq qýatyna shyqqanda mal bordaqylaý alańynda da jumys kólemi arta túspek.
Satybaldy SÁÝIRBAI,
«Egemen Qazaqstan».
Aqtóbe oblysy.
