Ortalyq kommýnıkasııalar qyzmetiniń minberinen Parlament Májilisi Tóraǵasynyń orynbasary Sergeı Dıachenko Elbasynyń Joldaýy týraly óziniń oılaryn ortaǵa salyp, jýrnalısterge brıfıng berdi.
Ortalyq kommýnıkasııalar qyzmetiniń minberinen Parlament Májilisi Tóraǵasynyń orynbasary Sergeı Dıachenko Elbasynyń Joldaýy týraly óziniń oılaryn ortaǵa salyp, jýrnalısterge brıfıng berdi.
О́z basym Elbasynyń jańa Joldaýynan alǵan áserimnen áli kúnge ajyraı almaı júrmin, dep bastady ol óziniń sózin. Bul – bizdiń ómirimizdiń barlyq salasyn qamtyǵan, strategııalyq jaǵynan mazmundy, naqty qujat. Onda elimizdiń barlyq: ekonomıkalyq, saıası, áleýmettik jáne mádenı ómirleri kórinis tapqan. Sonymen birge, onda isteıtin jumystarymyzdyń basym baǵyttar aıqyn belgilengen.
Men Elbasy Joldaýy negizinen ekonomıkalyq máselelerdi qamtyǵanymen, qazaqstandyqtardyń ómir súrý sapasyn arttyrýdy kózdegenin atap aıtqym keledi. Sonyń ishinde bilim berý, densaýlyq saqtaý salalaryna aıryqsha kóńil bólingen. Bul faktorlar elimizdiń básekelestikke qabilettigin arttyratyn dúnıeler bolǵandyqtan da Elbasynyń olarǵa aıryqsha nazar aýdarǵany anyq. Sondyqtan Prezıdent bul salalardy álemniń eń joǵary standarttaryna teńestirý jóninde Úkimettiń aldyna mindetter qoıyp otyr.
Odan ári sheshen Elbasynyń «Máńgilik El» jalpyulttyq ıdeıasy týraly óziniń oıyn sabaqtady. Onda barlyq qazaqstandyqtardy biriktiretin qundylyqtar aıtylǵan. Bul bizdiń ortaq maqsatqa negizdelgen ortaq taǵdyrymyz, dedi ol.
Joldaýdyń aýqymdylyǵy, tereńdiligi sol, onyń óne boıynan Qazaqstannyń alys bolashaqty kózdegen strategııalyq baǵdarlarymen qatar, olarǵa qol jetkizetin taktıkalyq múmkindikter de kórsetilgen. Olarǵa jeti besjyldyqtyń aıasynda qandaı kezeńderden ótý arqyly jetý joldary aıqyn belgilengen. Sóıtip, joǵary damyǵan 30 eldiń qataryna ený perspektıvasy aıdan anyq kórsetilip tur. Mine, sondyqtan da barlyq qazaqstandyqtar qoldaryna qaryndash ala otyryp, Joldaýdy barynsha tııanaqty oqyp, ondaǵy oılar men pikirlerdiń, usynystar men talaptardyń mazmunyna tereń boılaýy qajet dep sanaımyn. О́ıtkeni, olar Parlamentke de, barlyq mınıstrlikter men vedomstvolarǵa da, qoǵamdyq-saıası ınstıtýttarǵa da, árbir azamatqa da tikeleı qatysty, dedi S.Dıachenko.
Odan ári sheshen: Joldaýdy iske asyrý úshin barlyq Qazaqstan qoǵamy birtutas bolyp birigip ister atqarýy kerek. Árıne, elimizdi barynsha damyǵan 30 eldiń qataryna engizý týraly mindet qoıý – Elbasy Nursultan Nazarbaevtyń erik-jigeri men qajyr-qaıraty barynsha mol, strategııalyq aqyl-oıy tereń, asa keń qulashty kóshbasshy ekendigin kórsetedi. Elbasy aldymyzdaǵy 15-17 jyldy eldiń qaryshty damýynyń kezeńi dep otyr. Osy maqsatqa qol jetkizý úshin IJО́-niń jyl saıynǵy ósimi 4 paıyzdan tómendemeýi jáne salynatyn ınvestısııa kólemi IJО́-niń 30 paıyzyna jetýi qajettigi aıtyldy. Sonymen birge, qazaqstandyq eksporttaǵy shıkizattyq emes úlestiń kólemin 70 paıyzǵa jetkizý, ǵylymdy qarjylandyrý kólemin IJО́-niń 3 paıyzynan kem qylmaý, energııa shyǵynynyń kólemin eki ese azaıtý, al eńbek ónimdiligin bes ese arttyrý kózdelgen, dedi. Vıse-spıker osyndaı bıikterdi baǵyndyrý úshin, árıne, barlyq qazaqstandyqtarǵa jatpaı-turmaı eńbektený kerektigin jetkizdi. Sondyqtan Elbasy eshkimge de jeńildik jasalmaı, jumys nátıjesi barlyq laýazym ıelerinen qatań suralatynyn atap kórsetti, dedi ol.
Sóziniń biraz bóligin Parlament spıkeriniń orynbasary tómengi palatanyń zań shyǵarý jumystaryna qatysty talaptarǵa arnady. Qańtardyń 17-sinde, ıaǵnı Joldaý jarııalanǵan kúni-aq Májilis Tóraǵasy N.Nyǵmatýlınniń tóraǵalyǵymen palatanyń bıýro otyrysy bolǵanyn, onda parlamentarıılerdiń mindetteri aıqyndalǵanyn jetkizdi. Onda biz Joldaýdy iske asyrýǵa baılanysty zańnamalyq jumystardyń basymdyqtaryn talqylap, jańa jospardyń nobaıyn jasadyq. Sonyń ishinde eldi ındýstrııalandyrý, halyqty áleýmettik qorǵaý, agrokeshen, bilim berý men ǵylym, densaýlyq saqtaý salalaryn jetildirýge baılanysty zań jobalaryn ázirleý josparǵa engizilmek, dedi ol.
Sóziniń sońynda S.Dıachenko jýrnalısterdiń suraqtaryna jaýap berdi.
Jaqsybaı SAMRAT,
«Egemen Qazaqstan».
