Elbasy Nursultan Nazarbaevtyń bıylǵy Joldaýyn talqylaýǵa arnalǵan oblys aktıvi bolyp ótti. «Qazaqstan joly – 2050: bir maqsat, bir múdde, bir bolashaq» atty Qazaqstan halqyna joldaǵan Joldaýynda Elbasy Nursultan Nazarbaev taıaý jyldary jáne keleshekte aldymyzǵa qoıǵan qadaý-qadaý jospardy aıtyp berdi.
«Qazaqstan-2050» Strategııasy – úzdiksiz ósýdi óristetý joly
Elbasy Nursultan Nazarbaevtyń bıylǵy Joldaýyn talqylaýǵa arnalǵan oblys aktıvi bolyp ótti. «Qazaqstan joly – 2050: bir maqsat, bir múdde, bir bolashaq» atty Qazaqstan halqyna joldaǵan Joldaýynda Elbasy Nursultan Nazarbaev taıaý jyldary jáne keleshekte aldymyzǵa qoıǵan qadaý-qadaý jospardy aıtyp berdi.
Maqsat bıik, oǵan jetý úshin atqarar jumystyń qarasy da úlken. Basty maqsat – Qazaqstannyń dúnıejúzindegi eń damyǵan 30 eldiń qataryna enýi. Al «Máńgilik El» ıdeıasy osy maqsat negizinde óziniń irgetasyn qalap otyr. Bul ıdeıa Qazaqstan tarıhyndaǵy jańa dáýir paraǵynyń ashylýy dese de bolǵandaı.
– Kemel bolashaqty qazirden bastaý úshin ár qazaqstandyq, onyń ishinde ár qostanaılyq Elbasy Joldaýynyń ár jolyna qanyǵýy kerek. О́ıtkeni, ár joldyń artynda barar baǵytymyz, ár sannyń artynda atqarar is tur. Sondyqtan osynaý mańyzdy qujatty túsindirý jumystaryn júrgizý úshin aldymen biz ıdeologııalyq qýatymyzdy jumyldyrýymyz qajet, – dedi oblys ákimi Nuraly Sádýaqasov oblys aktıvine jınalǵandar aldynda.
Munan keıin oblys ákiminiń orynbasary Serik Bekturǵanov Elbasy Joldaýynyń negizgi baǵyttary jóninde baıandama jasady. Serik Shyńǵysuly Elbasy Nursultan Nazarbaevtyń bıylǵy Joldaýy halyqqa 2012 jyldyń aıaǵynda jarııa etken «Qazaqstan-2050» Strategııasy – qalyptasqan memlekettiń jańa saıası baǵyty» atty Joldaýymen sabaqtas ekenin aıtty. 2012 jylǵy Joldaý elimiz damýynda jańa saıası kezeńge kóterilgenin pash etse, bıylǵy Joldaý elimiz aldyndaǵy bıik maqsattardyń júzege asýyna jańa tynys bergendeı. Jańa tynys – strategııalyq josparlaý HHI ǵasyrda ómir súrýdiń birinshi erejesi bolyp tabylady. Uzaq merzimdi josparmen damyp kele jatqan Túrkııa, Qytaı, Malaızııa sekildi elder týra jolda ekenin dáleldep otyr. Al «2050» Strategııasy eldiń basty maqsatynan aýytqymaı, alǵa ustap otyratyn negizgi is-qımyldyń temirqazyǵy bolady.
Aktıvte oblystyq ardagerler keńesiniń tóraǵasy Kenjebek Ýkın, «Ivolga-Holdıng» jaýapkershiligi shekteýli seriktestiginiń dırektory Vasılıı Rozınov, «Qarqyn» Agrofırmasy» JShS dırektory Saıran Buqanov, Qostanaı qalasyndaǵy №5 mektep-gımnazııanyń dırektory Lıdııa Sarycheva, oblys ortalyǵyndaǵy №4 emhananyń bas dárigeri Margarıta Bısenova, Jastar isi jónindegi basqarma basshysy Álııa Saparova Joldaýda aıtylǵan búgingi kúnniń ózekti máselelerine toqtaldy. Olar Elbasy Nursultan Nazarbaevtyń bıylǵy Joldaýyn jarqyn keleshekke adastyrmaıtyn mańyzdy qujat dep baǵalady.
Májilisti oblys ákimi Nuraly Sádýaqasov qorytyndylap, «Máńgilik El» ıdeıasy ózimizdiń jarqyn bolashaǵymyz ekenin aıta kelip, ol judyryqtaı jumylǵanda, oǵan úles qosýdy árkim óziniń parasatty paryzy dep sanaǵanda múmkin ekenin aıtty.
Názıra JÁRIMBETOVA,
«Egemen Qazaqstan».
QOSTANAI.
