Oblys ákimdiginde ótken aktıv otyrysynda Qazaqstan Prezıdenti Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty halyqqa Joldaýy talqylandy.
Oblys ákimdiginde ótken aktıv otyrysynda Qazaqstan Prezıdenti Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty halyqqa Joldaýy talqylandy.
Oblys ákimi Kárim Kókirekbaev bıylǵy Joldaýda mańyzdy áleýmettik aspektilerge basymdyq berilgendigi týraly aıta kelip, ony halyqqa jetkizý men oryndaý jónindegi mindetterge toqtaldy. Joldaýda atap ótilgen balalardy mektepke deıingi bilimmen 100 paıyz qamtý tapsyrmalaryn iske asyrý boıynsha oblystaǵy tıisti basshylarǵa birqatar tapsyrmalar berdi. Atap aıtsaq, 2020 jylǵa deıin 3-6 jas aralyǵyndaǵy balalardy tolyq mektepke deıingi bilimmen qamtamasyz etý úshin 88 balabaqsha jáne 53 shaǵyn ortalyqtyń qurylysyn júrgizý qajet. Osyǵan baılanysty aımaq basshysy oblystyq bilim basqarmasynyń basshysyna, aýdan jáne qala ákimderine bilim nysandary boıynsha jobalyq-smetalyq qujattamalardy daıyndaýdy júktedi. Sonymen qatar, burynǵy balabaqsha ǵımarattaryn qaıtarýǵa bıýdjetten qarajat qarastyrýdy tapsyrdy.
Sonymen birge, bıylǵy jyly Taraz qalasynda 300 tósekke arnalǵan kópsalaly aýrýhananyń, 4 dárigerlik ambýlatorııanyń, 1 feldsherlik-akýsherlik jáne 15 medısınalyq pýnkttiń qurylysyn aıaqtaýdy talap etti. Sonymen qatar, oblys ákimi 2016-2019 jyldarǵa arnalǵan ındýstrııalyq-ınnovasııalyq damý baǵdarlamasynyń ekinshi besjyldyǵy naqty ári sapaly oryndalatyndyǵyn da eskertip ótti. Bul baǵytta da aımaqta jemisti jumys atqarylyp keledi. О́tken jyly ındýstrııalandyrý kartasy sheńberinde oblysta 8 ınnovasııalyq joba júzege asty. Oǵan 21 mıllıard teńge qarjy jumsalyp, 626 jańa jumys orny ashylǵan. Ústimizdegi jyly 22 mıllıard teńgeniń 7 ınvestısııalyq jobasyn júzege asyrý kózdelip otyr, ol boıynsha 866 jańa jumys orny ashylmaq.
– Elbasymyz Astanamyzda EKSPO-2017 halyqaralyq kórmesin ótkizý kezinde álemdik tájirıbedegi «jasyl ekonomıkany» engizýdiń ozyq tehnologııasyn paıdalaný kerektigin tapsyrdy, – dep atap ótti ákim. – Bul salada da oblysta birqatar jetistikter bar dep aıta alamyn. Mysaly, oblysta EKSPO-2017 halyqaralyq kórmesine daıyndyq sheńberinde 188 Mvt quraıtyn balamaly energetıka nysandary salynyp jatyr. Búginde oblysta osyndaı 5 joba júzege asyrylǵan.
Qazirgi ýaqytta aýdandyq mańyzdy qala, aýyldyq okrýg jáne aýyl ákimderiniń quzyretteri tıisti zańmen keńeıtildi. Olarǵa qosymsha 79 ókilettik berildi. Bul ákimderge is júzinde jergilikti mańyzdaǵy barlyq kókeıkesti máselelerdi jergilikti qaýymdastyq múshelerimen birlese otyryp, derbes jáne jaýapkershilikpen sheshýge múmkindik beredi. Oblys ákimi osy oraıda aýdan ákimderine berilgen ókilettikter sheńberindegi jumystardy tıimdi úılestirýdi, búgingi tańda ótip jatqan barlyq deńgeıdegi ákimderdiń esepterinde atalǵan máselelerdi keńinen talqylaýdy tapsyrdy.
Jyr alyby Jambyl atanyń atyn ıemdengen oblysty meken etken 80-nen astam etnos ókilderiniń Elbasynyń bıylǵy Joldaýyna qyzý qoldaý kórsetip, onyń iske asýyna aıtarlyqtaı úles qosaryna senim bildirildi. О́ıtkeni, birlik pen bereke bar baqyttyń bastaýy bolyp tabylady.
Kósemáli SÁTTIBAIULY,
«Egemen Qazaqstan».
Jambyl oblysy.
