Qaraǵandyda Elbasy N.Á.Nazarbaevtyń Qazaqstan halqyna arnaǵan «Qazaqstan joly – 2050: bir maqsat, bir múdde, bir bolashaq» atty Joldaýy talqylanǵan oblys aktıviniń jınalysy bolyp ótti.
Qaraǵandyda Elbasy N.Á.Nazarbaevtyń Qazaqstan halqyna arnaǵan «Qazaqstan joly – 2050: bir maqsat, bir múdde, bir bolashaq» atty Joldaýy talqylanǵan oblys aktıviniń jınalysy bolyp ótti.
Alqaly basqosýda aımaq basshysy Baýyrjan Ábdishev bul mańyzdy qujatta alǵa qoıylǵan mindetterdi qatysýshylarǵa jan-jaqty taldap-túsindirip, soǵan baılanysty óńir aldynda turǵan keleli máselelerge keńinen toqtaldy. Memleket basshysy usynǵan 10 ilkimdi ıdeıaǵa sáıkes, árqaısysy boıynsha is-sharalardy jiktep, ony atqarýshy memlekettik organdar men óndiris, bilim berý, densaýlyq saqtaý, áleýmettik salalarǵa naqty tapsyrmalar berildi. Aımaqtyń ekonomıkalyq ereksheligine oraı taý-ken metallýrgııasy, mashına jasaý, farmasevtıka ónerkásibin odan ári damytýǵa basym kóńil bólinetindigi ataldy. Sondaı-aq, tabıǵı qazynalardy utymdy qoldana bilýdiń mańyzdylyǵyna toqtala kelip, bul rette, máselen, metan gazyn paıdalanýdy iske asyrý, mys qorlary qaldyqtaryn qaıta kádege jaratý jóninde mindetter júkteldi.
Sonymen qatar, ındýstrııalyq-ınnovasııalyq damýda úlken ilgerileýshilik kútip turǵandyǵy aıtyldy. Aǵymdaǵy jyly 13 óndiris ashylyp, 2 myńǵa tarta adam jumyspen qamtylýy tıis. Salynatyn 2 jylý-elektr stansasy Temirtaý men Jezqazǵan qalalaryn jylý jáne elektr qýatymen qamtamasyz etýdi jaqsartady.
Jıynda «Saryqazyna» JShS dırektory Pavel Semıchenko, Qaraǵandy memlekettik medısınalyq ýnıversıtetiniń rektory Raýshan Dosmaǵambetova, oblystyq ósimdik sharýashylyǵy jáne seleksııa ǵylymı-zertteý ınstıtýtynyń basshysy Rashıd Nurǵazıev, «Lıtýanıka» lıtvan etnomádenı birlestiginiń jetekshisi Vıtalıı Tvarınos, gýmanıtarlyq kolledj oqýshysy Olga Tatýnovıch sóz sóılep, jańa Joldaý elimizdiń ósip-órkendeı túsýine tyń serpilis týǵyzatynyna rızalyq bildirdi.
«Qazaqstan» shahtasynyń kenshisi Qanat Mustafın shahterlerdiń Prezıdent N.Á.Nazarbaevtyń salıqaly da sarabdal saıasatyna qoldaý bildirgen úndeýin tanystyryp, oblys ákimine tabys etti.
Aıqyn NESIPBAI,
«Egemen Qazaqstan».
QARAǴANDY.
