Barlyq deńgeıdegi ákimder jáne máslıhat depýtattary, oblystyq, ortalyq atqarýshy organdar bólimsheleriniń, quqyq qorǵaý organdarynyń, sharýashylyq júrgizýshi nysandardyń, memlekettik mekemelerdiń, qoǵamdyq birlestikter men saıası partııalardyń basshylary, aqparattyq-nasıhattyq toptardyń músheleri qatysqan oblys aktıviniń jıynynda Memleket basshysy Nursultan Nazarbaevtyń «Qazaqstan joly–2050: bir maqsat, bir múdde, bir bolashaq» atty Qazaqstan halqyna Joldaýyn túsindirý jáne nasıhattaý máseleleri talqylandy.
Barlyq deńgeıdegi ákimder jáne máslıhat depýtattary, oblystyq, ortalyq atqarýshy organdar bólimsheleriniń, quqyq qorǵaý organdarynyń, sharýashylyq júrgizýshi nysandardyń, memlekettik mekemelerdiń, qoǵamdyq birlestikter men saıası partııalardyń basshylary, aqparattyq-nasıhattyq toptardyń músheleri qatysqan oblys aktıviniń jıynynda Memleket basshysy Nursultan Nazarbaevtyń «Qazaqstan joly–2050: bir maqsat, bir múdde, bir bolashaq» atty Qazaqstan halqyna Joldaýyn túsindirý jáne nasıhattaý máseleleri talqylandy.
Elbasynyń bıylǵy Joldaýyn talqylaýǵa arnalǵan aktıv jıynynda sóz alǵan oblys ákimi Arhımed Muhambetov bul jolǵy Joldaýdyń damyǵan otyz eldiń qataryna enýge baǵyt ustaǵan Qazaqstan úshin asa mańyzdy ekenin atap ótti. «Qazaqstan joly – 2050: bir maqsat, bir múdde, bir bolashaq» atty Joldaýdyń «Qazaqstan-2050» Strategııasyn júzege asyrýdyń naqty joldaryn aıqyndap bergen tarıhı qujat ekenine nazar aýdardy.
– Joldaýda «Strategııa – kúnnen-kúnge, jyldan-jylǵa elimizdi, qazaqstandyqtardyń ómirin jarqyn ete túsetin naqty praktıkalyq ister baǵdarlamasy. Biraq, naryqtyq jaǵdaıda aspannan nápaqa kútpeı, tıimdi eńbektený kerektigin árkim-aq túsinýi tıis. Memlekettiń mindeti – osyǵan barlyq jaǵdaıdy jasaý. Men elimniń álemniń ozyq elderi arasyndaǵy Otanymyzdyń laıyqty bolashaǵy ǵana qazaqstandyqtardy máńgilikke biriktiretinine senimdimin», – dep atap ótkenin jetkizdi.
Ákim Elbasy alǵa qoıǵan asqaraly mindetterdi oryndaýda óńirdiń ózindik ilgerileý izderi bar ekenine toqtaldy. Oblysta ótken jylda ónerkásip ónimderin óndirý kólemi 1 trıllıon 352 mıllıard teńge quraǵanyn aıta kelip, óńdeý ónerkásibiniń úlesi 14,5 paıyzǵa óskenin ilgerileýdiń aıqyn mysaly retinde alǵa tartty. Taý-ken, metallýrgııa, nıkel, altyn óndirý salalarynda iri jobalardyń júzege asyrylyp jatqanyn tilge tıek ete kelip, eginshilikti damytýǵa baǵyttalǵan qadamdardan da habardar etti. Bilim berý jáne densaýlyq saqtaý salalaryndaǵy oń ózgeristerdi de Elbasynyń Qazaqstan halqyna bıylǵy Joldaýymen sabaqtastyra áńgimeledi. Jáne de Qazaqstannyń álemdegi eń damyǵan 30 eldiń qataryna kirý tujyrymdamasyndaǵy jeti basymdyqty tarqata baıandaı kelip, oblysta ol mindetterdi oryndaýǵa baılanysty atqarylatyn jumystar men júzege asyrylatyn iri jobalardy saralap, taldap ótti. Elbasy alǵa qoıǵan mindetterdiń oryndalýynyń óńirdegi alǵysharttary qazirdiń ózinde jasalǵanyn aıta kelip, tıimdiligi joǵary jobalardyń jaı-kúıimen tanystyra ketti.
– Elbasy aldaǵy 7 besjyldyqtardyń árqaısysynda atqarylatyn jumystardy belgilep berdi. Al olardy sol josparlanǵan jolmen oryndap shyǵýǵa jumylý bizdiń árqaısysymyzdyń azamattyq mindetimiz bolýǵa tıis – dedi Arhımed Begejanuly.
Elbasy Joldaýyn talqylaýǵa qatysqandar bul tarıhı mańyzdy qujatty bolashaǵymyzdy aıqyndaýǵa baǵyttalǵan baıandy baǵdarlama retinde baǵalady. Joldaýda «Qazaqstan-2050» Strategııasyn júzege asyrýdyń joldary naqtylanǵany da áńgime ózegine aınaldy.
Aktıv jıynyn qorytyndylaǵan oblys ákimi Elbasy N.Nazarbaevtyń Joldaýyn turǵyndarǵa túsindirý jáne nasıhattaý maqsatynda oblysta 1600 múshesi bar 400 aqparattyq-nasıhattyq top qurylǵanyn, olardyń árbir eldi mekendegi ár turǵyndy Joldaý joldarynda aıtylǵan mindettermen tanystyratynyn málimdedi.
Satybaldy SÁÝIRBAI,
«Egemen Qazaqstan».
Aqtóbe oblysy.
