Aýylda turatyn qylqalam sheberi Elbasy Joldaýyn tyńdap otyryp, ile-shala «Máńgilik El» kompozısııasyn salǵan
Aýylda turatyn qylqalam sheberi Elbasy Joldaýyn tyńdap otyryp, ile-shala «Máńgilik El» kompozısııasyn salǵan
San qyrly ónerimen tanylyp, týǵan ólkesiniń bedelin kóterip júrgen qylqalam sheberi Qalı Qoralasbaev – Shý óńiriniń azamaty. Beıneleý óneriniń tórt baǵytynda eńbektenip júrgen talant ıesi bıylǵy Elbasynyń Joldaýyn tyńdap otyryp, «Máńgilik El» atty kompozısııany qaǵazǵa túsirip, redaksııaǵa joldapty.
Kókiregindegi bir ǵana oıdy maıly boıaý, grafıkalyq keskindeme, sý boıaý, tastan qashalǵan músindermen, jyrlarymen de somdaıtyn sýretshi: «Joldaýdy tyńdap otyryp, qolym qalaı qalamǵa júgire bergenin baıqamaı da qalyppyn. Meniń túsinigimdegi «Máńgilik El» ıdeıasy osyndaı. Elbasynyń 2014 jylǵy 17 qańtardaǵy Joldaýynda basty taqyryby ata-babalarymyzdyń ańsap ótken «Máńgilik El» Strategııasy boldy. «Máńgilik El» degende qazaq halqynyń tarıhy, tili, dili jáne ulttyq qundylyqtary aldymen aýyzǵa oralady», deıdi.
Basty taqyryby qazaqtyń jany, tarıhy, tabıǵaty bolyp tabylatyn ónerpaz aýylda turyp-aq Almatynyń qaq tórinde, úlken qalalarda onǵa tarta kórme ótkizgen, sóıtip, qabiletimen shyǵarmashylyq qaýymdastyqty moıyndatqan.
О́z Otanyn sheksiz súıetin, otanshyldyq týyndylar týdyra alǵan, ulttyq qundylyqtarymyzdy boıyna sińirgen, salt-dástúrimiz ben tarıhymyzdyń tamyrynan nár alyp, qazaqtyń marjan sózimen qarýlanǵan, jastarǵa eńbeksúıgishtigi úlgi bolatyn sýretshi-músinshi ári karıkatýrashy, «Balalar jasóspirim ortalyǵynyń dırektory», Halyqaralyq joǵary qoǵam medaliniń ıegeri Qalı Qoralasbaev Jambyl oblysynyń Shý aýdanyndaǵy, Tólebı aýylynda turady.
Aınash ESALI,
«Egemen Qazaqstan».
–––––––––––––––––––
Sýrette: «Máńgilik El» kompozısııasy.
