Biz egemen elimizdiń ilgeri kúnge irkilmeı ilgerileýiniń kýási bolyp otyrmyz. Osyndaı bolashaǵy zor elde týǵanymyzdy maqtanysh sanaıtynymyz da ras. Shyny kerek, táýelsiz memleketimizdiń tarıhı qysqa merzimde qol jetkizgen tabystary árbir qazaqstandyqtyń eren eńbegimen kelip jatqanyn da túsinemiz. Degenmen, «Myń qosshydan bir basshy» degendeı, osyndaı asqaraly asýlardy alýymyzda Elbasy Nursultan Nazarbaevtyń ustanǵan sarabdal saıasatynyń sabaqtystyǵynyń arqasy ekenin moıyndaýymyz kerek. Bas-aıaǵy jıyrma jyldan astam ýaqyttyń ishinde elin álemge moıyndatqan Elbasy eldiń bolashaq damýynyń sara jolyn da ilgerileý soqpaqtaryna salyp keledi. Halyqtyń Elbasynyń jyl saıynǵy Joldaýyn asyǵa kútetini de sondyqtan. Sebebi, búgini men erteńin sabaqtastyra damytýdyń daǵdyly joba-josparyn halqynyń aldyna jaıyp sala otyryp, onyń asqan jaýapkershiligin de jete túsinetin Elbasynyń aıtqan sózderin isimen bekitip kele jatqany halyqtyń jadynda jattalyp qaldy desem, artyq aıtqandyq bolmas.
Biz egemen elimizdiń ilgeri kúnge irkilmeı ilgerileýiniń kýási bolyp otyrmyz. Osyndaı bolashaǵy zor elde týǵanymyzdy maqtanysh sanaıtynymyz da ras. Shyny kerek, táýelsiz memleketimizdiń tarıhı qysqa merzimde qol jetkizgen tabystary árbir qazaqstandyqtyń eren eńbegimen kelip jatqanyn da túsinemiz. Degenmen, «Myń qosshydan bir basshy» degendeı, osyndaı asqaraly asýlardy alýymyzda Elbasy Nursultan Nazarbaevtyń ustanǵan sarabdal saıasatynyń sabaqtystyǵynyń arqasy ekenin moıyndaýymyz kerek. Bas-aıaǵy jıyrma jyldan astam ýaqyttyń ishinde elin álemge moıyndatqan Elbasy eldiń bolashaq damýynyń sara jolyn da ilgerileý soqpaqtaryna salyp keledi. Halyqtyń Elbasynyń jyl saıynǵy Joldaýyn asyǵa kútetini de sondyqtan. Sebebi, búgini men erteńin sabaqtastyra damytýdyń daǵdyly joba-josparyn halqynyń aldyna jaıyp sala otyryp, onyń asqan jaýapkershiligin de jete túsinetin Elbasynyń aıtqan sózderin isimen bekitip kele jatqany halyqtyń jadynda jattalyp qaldy desem, artyq aıtqandyq bolmas.
Memleket basshysy Nursultan Nazarbaevtyń «Qazaqstan joly-2050: bir maqsat, bir múdde, bir bolashaq» atty Qazaqstan halqyna arnalǵan bıylǵy Joldaýyn teledıdardan tyńdap, baspasózden oqyǵannan keıin buǵan kózimiz anyq jetti. Shyny kerek, «Qazaqstan-2050» Strategııasyndaǵy aýqymdy mindetterdi júzege asyrý múmkindigi qalaı bolar eken dep qobaljyǵanymyzdy jasyrýdyń reti joq. Biraq, ony júzege asyrýdyń alǵashqy qadamdary bolashaqqa degen senimimizdi nyǵaıta tústi. Elbasynyń bıylǵy Joldaýy osy úlken de irgeli mindetterdi qalaı oryndaýdyń naqty baǵyttaryn aıqyndap bergen baǵdarlamalyq qujat bolyp tabylady. Biz bul Joldaýdan búgingi bıigimizden alasarmaýdyń alǵysharttaryn kórip otyrmyz. Qarapaıym halyqtyń ózi Elbasynyń jyl saıynǵy Joldaýynyń óz ómirin, turmysyn jaqsartýǵa septigi tıetinin sezinetinin jasyrýdyń reti joq. Bul jolǵy Joldaýdyń da halyqtyń ál-aýqatyn arttyrýǵa, elimizdiń damýyn qamtamasyz etýge baǵyttalǵany kórinip tur.
Elbasy Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýynda «Áleýmettik salany damytýdyń 2050 jylǵa deıin basty baǵdarlary naqty ındıkatıvti sıfrlarda kórsetilgen. Biz ishki jalpy ónim kólemin jan basyna shaqqanda 4,5 ese – 13 myń dollardan 60 myń dollarǵa deıin arttyrýymyz kerek. Qazaqstan halyq qurylymynda orta tap úlesi basym elge aınalady. Ýrbanızasııanyń jahandyq úrdisine oraı qalalyq turǵyndar úlesi barlyq halyqtyń qazirgi 55 paıyzynan 70 paıyzdaı deńgeıge deıin ósedi.
Qazaqstannyń qalalary men eldi mekenderin sapaly joldar men kóliktiń barlyq túriniń júrdek baǵyttary baılanystyrady» dep kórsetilipti. Munyń jaı aıtyla salǵan sóz emes ekeni qazirdiń ózinde ańǵarylýda. Jyl ótken saıyn ishki jalpy ónimniń jan basyna shaqqanda anaǵurlym ósip kele jatqanyn óz basymyzdan ótkerýdemiz. Ásirese, ónerkásibi qarqyndy damyp otyrǵan bizdiń óńirde naqty kórinýde. Sondaı-aq, alys aýyldardaǵy turǵyndardyń ónerkásipti qalalar mańyna shoǵyrlanýy da jyl saıyn artyp keledi. Qazir Aqtóbe qalasynda óńirdegi halyqtyń 50 paıyzǵa jýyǵy turatyny sonyń naqty dáleli. Aýdan ortalyqtary men iri eldi mekenderge qatynaıtyn joldar da túzele túsýde. Bul bizdiń turmysymyzdyń jaqsarýyna anaǵurlym yqpal etip otyr.
Men óz isimdi júrgizip otyrǵandyqtan, Elbasynyń kásipkerlikti damytýǵa baılanysty baılamdaryna qulaq túrip júremin. Bizdiń elde shaǵyn jáne orta bıznesti damytýǵa qolaıly jaǵdaı týǵyzylyp otyr. Bul jolǵy Joldaýda kásipkerlikke qatysty naqty usynystar men qoldaýlar bolatyny ashyq aıtyldy. Bul bizdi jańa tabystarǵa jigerlendiredi.
Joldaýdaǵy «Memleket jumysynyń negizgi bóligi Qazaqstan bıznesin, ásirese, shaǵyn jáne orta bıznesti damytýǵa barynsha qolaıly jaǵdaı jasaý bolmaq. Taıaýdaǵy 10-15 jylda ǵylymı qamtymdy ekonomıkalyq bazıs jasaý kerek, onsyz biz álemniń damyǵan elderi qataryna qosyla almaımyz. Muny damyǵan ǵylym arqyly sheshýge bolady», degen sózdiń ózi bolashaǵymyzdyń baıandylyǵyn aıqyndap bergeni shyndyq.
Sondaı-aq, Elbasy barsha qazaqstandyqtardy eńbek etýdiń mol múmkindigi bar ekenine sendire túsedi. Joldaýdaǵy «Strategııa – kúnnen-kúnge, jyldan-jylǵa elimizdi, qazaqstandyqtardyń ómirin jarqyn ete túsetin naqty praktıkalyq ister baǵdarlamasy. Biraq naryqtyq jaǵdaıda aspannan nápaqa kútpeı, tıimdi eńbektený kerektigin árkim-aq túsinýi tıis. Memlekettiń mindeti – osyǵan barlyq jaǵdaıdy jasaý. Men álemniń ozyq elderi arasyndaǵy Otanymyzdyń laıyqty Bolashaǵy ǵana qazaqstandyqtardy máńgilikke biriktiretinine senimdimin», degen sózderdiń ózi osynyń aıqyn dáleli dep oılaımyn.
Joldaýda dárigerler men muǵalimderdiń eńbekaqysy, qamkóńil jandardyń járdemaqysy ósetini de aıtylǵan. Muny qashanda halqynyń qamyn oılaǵan Elbasynyń ustanǵan saıasatynyń basty baǵyty deý oryndy. Eldegi birlik pen tatýlyqty nyǵaıtýǵa baǵyttalǵan baǵdarlamalyq oılarynyń ózi bizdiń jarqyn bolashaǵymyzdyń baıandylyǵyn kórsetse kerek. Joldaýdaǵy baıandalǵan josparly jumystardyń Elbasy N.Nazarbaevtyń egemen elimizdiń tizginin ustaǵannan bergi sara saıasatymen sabaqtas óriletinine taǵy kýá boldyq. Damyǵan 30 eldiń qataryna enýdiń izgi izdenisterin aıqyndap bergen Joldaýdyń qundylyǵy da osynda. Elbasy bul maqsatqa jetý úshin árbir qazaqstandyqtyń belsendiligi qajettiligin de jasyrmaıdy. Shyndyǵynda, judyryqtaı biriksek alynbaıtyn qamal joq. Sondyqtan bıik mejelerdi alý jolynda bizdiń árqaısymyz eljandylyqpen eńbek etip, ómir súrýimiz qajet dep oılaımyn. Bul Elbasy Joldaýyn qoldaýymyz da bolady, sondaı-aq, óz ómirimizdi jaqsartýǵa qosqan úlesimiz de bolady.
Jumabek KÝKANOV,
«Álııa joldary» JShS dırektory.
Aqtóbe oblysy.
