Foto: AP Photo/Hassene Dridi
Moderna vaksınasyn elde satý men taratýǵa jaýap beretin Takeda Pharmaceutical Co. japon farmasevtıkalyq kompanııasy vaksınanyń densaýlyqqa qaýip týdyratyny týraly naqty málimdeme almaǵanyn aıtty.
Kyodo agenttiginiń jazýynsha, 39 ampýladan tabylǵan bógde zat mólsheri birneshe mıllımetrdi quraǵan. Takeda óndirýshilerden shuǵyl túrde vaksına quramyn zertteýdi surady. Moderna tabylǵan zattardy zerttep jatyr.
16 tamyzdan bastap Ibarakı, Saıtama, Tokıo, Gıfý jáne Aıchı prefektýralaryndaǵy segiz egý ornyndaǵy vaksınalardan bógde zat anyqtalǵan.
Mınıstrliktiń málimetinshe, vaksınanyń 1,63 mıllıon dozasy Ispanııada bir ýaqytta 3004667, 3004734 jáne 3004956 nómirlerimen shyǵarylǵan. Barlyq doza 863 vaksınasııa núktesi arasynda taratylǵan. Qazir olarǵa ekpeni ýaqytsha qoldanbaý týraly habarlandy.
Úkimet halyqty vaksına saldyrýǵa shaqyrǵanymen, respýblıkanyń kóptegen aımaǵynda «delta» shtamynyń taralýyna baılanysty aýrýshańdyq artqany baıqalady. Úkimettiń habarlaýynsha, vaksına búkil el boıynsha 10 mıllıonnan astam dozada qoldanylǵan. Úkimet mamyrda Moderna vaksınasyn shuǵyl qoldanýǵa ruqsat berdi. Qyrkúıektiń sońyna deıin qosymsha 50 mıllıon doza Moderna alýdy josparlap otyr.
