Bıylǵy Joldaýda Elbasy memleket aldyna úlken, aýqymdy maqsat-mindetter qoıdy. Bul jolǵy Joldaýdyń bir qundylyǵy mynada: onda Qazaqstannyń ulttyq «Máńgilik El» ıdeıasy týraly aıtylyp, oǵan aıryqsha mán berildi.
Bıylǵy Joldaýda Elbasy memleket aldyna úlken, aýqymdy maqsat-mindetter qoıdy. Bul jolǵy Joldaýdyń bir qundylyǵy mynada: onda Qazaqstannyń ulttyq «Máńgilik El» ıdeıasy týraly aıtylyp, oǵan aıryqsha mán berildi.
«Máńgilik El» degenimiz – Qazaqstan ultynyń, Qazaqstan táýelsizdigi men memleketiniń máńgilik bolýy. Búgingi kúnge deıin «bizdiń ulttyq ıdeıamyz ne?» degen saýaldyń qoǵamdy tolǵandyrǵany anyq. Sebebi, mundaı ıdeıa talaı ǵasyrlardan beri óz qundylyǵyn joǵaltqan emes. Bul rette, Joldaýdyń ózeginde ulttyq «Máńgilik El» ıdeıasy jatqany bizdi aıryqsha qýantty.
Sondaı-aq, memleketti alǵa jyljytatyn tetikter – bilim, ǵylym, densaýlyq saqtaý, mádenıet salalaryn damytý máselelerine de Joldaýda aıryqsha mán berilgen. Máselen, mádenıet salasy týraly aıtqanda, Memleket basshysy mádenıettiń álemdik standartqa saı kelý qajettigin atap ótti. Ol úshin mádenıettiń óz damý baǵdarlamasy, óz damý klasterleri qurylýy tıis. Bulardyń barlyǵy Elbasy aıtqandaı, mádenıet salasynyń barlyq tetikterin dúnıejúzilik ozyq standarttarǵa sáıkestendirýimiz úshin qajet.
Biz álem elderin kóp aralaımyz. Sheteldik saparlar kezinde álemdik, dúnıejúzilik ozyq standarttardy kóremiz. Árıne, biz sondaı kezde álemdik deńgeıdegi ozyq standarttardyń óz Otanymyzda, Qazaqstanda bolǵanyn qalaıtynymyz anyq. Biz bolashaqta osy baǵytta eńbek etetin bolamyz. Máselen, bizdiń aldaǵy ýaqyttyń enshisindegi bir armanymyz – ulttyq sımfonııalyq orkestr qurý. Biz osyndaı jobalardy júzege asyrý arqyly ulttyq mádenıetimizdi bar álemge tanytqymyz keledi. Búginde bizde mundaı jobalardy júzege asyratyn talantty, daryndy, bilikti jastar jeterlik.
Aıman MUSAQOJAEVA,
Qazaqstannyń halyq ártisi,
Qazaq ulttyq óner
ýnıversıtetiniń rektory.
