Atyraýda jolsyz jonnyń jorǵasyn, ıaǵnı djıp kóligin aıdaýshy jer úıdiń qabyrǵasyn buzyp kirip, ondaǵy adamdardy basyp óltire jazdaǵan. Bul týraly «Moı gorod» portaly habarlady.
Atyraýda jolsyz jonnyń jorǵasyn, ıaǵnı djıp kóligin aıdaýshy jer úıdiń qabyrǵasyn buzyp kirip, ondaǵy adamdardy basyp óltire jazdaǵan. Bul týraly «Moı gorod» portaly habarlady.
«Oqıǵa túngi saǵat birdiń kezinde bolǵan. Bul kezde úıdegi otbasy músheleri túgel uıyqtap jatqan. Nátıjesinde tórt adam aýrýhanadan bir-aq shyqqan», – delingen habarlamada.
Sol ókinishti oqıǵa oryn alǵan túni ata-anasynyń úıine eki balasyn alyp kelgen uly men ekiqabat kelini qonýǵa qalǵan eken. Olar túnniń jarymynda qabyrǵadan soǵylǵan qatty soqqy men daýystan oıanady. Qorqyp ketken úı adamdary óz bólmelerinde «Hıýndaı» kóliginiń tumsyq tirep turǵanyn kóredi!
Al balshyqtan soǵylǵan eski úı myna soqqyny kótere almaı, qulap túsken. Osynyń saldarynan eki balany kesektiń astynan arshyp alýǵa týra kelgen.
Zardap shegýshilerdiń aıtýlarynsha, jolsyz jerdiń jorǵasyn aıdaýshy qatty mas bolǵanyna qaramastan, tez esin jıyp, oqıǵa bolǵan jerden qashyp ketken. Qazir dúrbeleńge túsken Qadyrovtar polısııaǵa aryz jazyp, apattyń aıyptysy bolǵan aıdaýshynyń myqty týystaryn arqalanyp, ymyraǵa kelýge jaýshy jiberip jatqanyn jetkizdi. Atalǵan oqıǵanyń saldarynan ekiqabat áıel men onyń kúıeýi jáne bir balasy aýrýhanaǵa túsken.
Murat AITQOJA.
