«1 qyrkúıekten bastap onlaın-sanaq bastalady. Sanaq sanaq.gov.kz saıtynda 15 qazanǵa deıin jalǵasady. Qala turǵyndary ornalasqan jerine qaramastan vırtýaldy kómekshi arqyly ózderine jáne otbasy múshelerine arnalǵan sanaq paraǵyn toltyrýy qajet. Mine, osylaı sanaqtan óte alady.
Onlaın-rejımde sanaqtan ótpegen azamattardy qamtý úshin dástúrli jappaı aralaý 1 qazan men 30 qazan aralyǵynda ótedi. Sanaq kezinde suhbat alýshylar planshetterdi paıdalanady. Alynǵan málimetter tikeleı jalpy aqparat bazasyna jiberiledi. Sanaq sanıtarlyq normalardy qatań saqtaı otyryp júrgiziledi. Ony ótkizý jumysyn jaýapty memlekettik organdarmen talqyladyq.
Qyzmetkerler mindetti túrde vaksına alýy kerek. Bul olardyń da, ózgelerdiń de densaýlyǵyn qorǵaýǵa múmkindik beredi. Sanaq qyzmetkerleriniń jalaqysy esepteletinin, kólik kartalary beriletinin atap ótken jón.
Halyq sanaǵy boıynsha mańyzdy aqparat PIK (MIB), TQK, basqarýshy kompanııalar, SOO, led-ekrandar jáne basqa da aqparat kózderi arqyly jetkiziledi.
Elimizde sanaq sońǵy ret 2009 jyly ótkizildi. Ol mańyzdy analıtıkalyq málimetterdi, sonyń ishinde halyqtyń naqty sanyn, jasyn, genderlik quramyn jáne t.b. alýǵa múmkindik beredi», – dep jazdy elorda ákimi.
