Qazaqtyń qaıta túleýiniń bir kórinisi osy qusbegilik ónerdi jańǵyrtýy edi. Keıingi jyldary memleket tarapynan buǵan kóp qoldaý kórsetilýde. Tipti, ulttyq ónerimiz halyqaralyq dárejede de san márte ulyqtaldy.
Qazaqtyń qaıta túleýiniń bir kórinisi osy qusbegilik ónerdi jańǵyrtýy edi. Keıingi jyldary memleket tarapynan buǵan kóp qoldaý kórsetilýde. Tipti, ulttyq ónerimiz halyqaralyq dárejede de san márte ulyqtaldy.
Mine, osy ıgi bastamanyń jalǵasy retinde, ótken aptada respýblıkalyq Jas qusbegiler jarysy Jambyl oblysy, Jambyl aýdany, Aısha bıbi eldi mekeninde ótti. Jarysqa jeti oblystan on alty búrkitshi qatysyp, baqtaryn synady.
Búrkitshiler úsh kezeń boıynsha jarysty. Birinshi – qusyn qolǵa shaqyrý úderisin kórsetse, ekinshi – qyrandardy qoıanǵa salý jarysy óristedi. Úshinshi synaqta jarysqa qus ákelgender qasqyr aýlaý ústinde sheberlikterin baıqatty. Sóıtip, jalpy esepte eshkimge des bermegen Almaty oblysynan kelgen qusbegi Almas Seıitjan óziniń «Aqbalaq» atty búrkitimen birinshi oryndy jeńip aldy. Ekinshi oryn Aqmola oblysynyń bapkeri Shyńǵys Ýálıhanovqa buıyrdy. Úshinshi oryn Astana qalasynan barǵan Nurlan Baıanbektiń «Tuıǵynynyń» enshisine tıdi. Tórttikti Jambyl óńiriniń namysyn qorǵaǵan Baǵdáýlet Babajan men astanalyq Erkebulan Baıashan qorytyndylady. Iá, qıqýlaǵan qusbegi men qalyqtaǵan qyran jarysy osylaısha márege jetti.
«Egemen-aqparat».
Sýretterdi
túsirgen
Altynbek
QARTABAI.
