Jáýtikov olımpıadasynyń jeńimpazdary Nazarbaev Ýnıversıtetiniń granttaryna ıe boldy

Bıylǵy 17 eldiń eń esepke júırik oqýshylarynyń basyn qosqan Halyqaralyq Jáýtikov olımpıadasynyń jóni bólek. Osymen onynshy ret ótkizilgen Bilim jáne ǵylym mınıstrliginiń jobasyna 56 komanda, 390 daryndy bala qatysty. Qazaqstan, Reseı, Ýkraına, Belorýssııa, Ázerbaıjan, Grýzııa, Armenııa, Qyrǵyzstan, Tájikstan, Túrki­menstan, Bolgarııa, Rýmynııa, Serbııa, Úndistan, In­do­nezııa, Mońǵolııa balalary matematıka, fızıka jáne ınformatıka pánderi boıynsha bilim jarystyrdy.

Bıylǵy 17 eldiń eń esepke júırik oqýshylarynyń basyn qosqan Halyqaralyq Jáýtikov olımpıadasynyń jóni bólek. Osymen onynshy ret ótkizilgen Bilim jáne ǵylym mınıstrliginiń jobasyna 56 komanda, 390 daryndy bala qatysty. Qazaqstan, Reseı, Ýkraına, Belorýssııa, Ázerbaıjan, Grýzııa, Armenııa, Qyrǵyzstan, Tájikstan, Túrki­menstan, Bolgarııa, Rýmynııa, Serbııa, Úndistan, In­do­nezııa, Mońǵolııa balalary matematıka, fızıka jáne ınformatıka pánderi boıynsha bilim jarystyrdy.

Ál-Farabı atyndaǵy Qa­zaq ulttyq ýnıversıtetiniń Stý­dentter saraıynda salta­natty túrde márege jetken H Halyqaralyq Jáýtikov olım­pıadasynyń Bas júl­de­sin bıyl da Máskeý memle­ket­tik ýnıversıtetiniń maman­dandyrylǵan oqý-ǵylymı orta­lyǵynyń (SÝNS MGÝ) oqý­shy­lary jeńip aldy. Al birin­shi oryn­dy ádettegideı Alma­tydaǵy O.Jáýtikov atyndaǵy daryndy balalarǵa arnalǵan respýblıkalyq maman­dandy­rylǵan fızıka-matematıka orta mektep-ınternaty basqa­larǵa bermeı keledi.

Sonymen, bıyl sarapqa salyn­ǵan 183 medaldiń 50-i Qa­zaqstanda qaldy. Al altyn medalmen olım­pıadashylardyń 35-i marapattaldy. Onyń ishinde 13 birdeı altyndy O.Jáýtikov atyndaǵy daryndy balalarǵa arnalǵan respýblıkalyq ma­man­dandyrylǵan fı­zıka-matematıka mektep-ınternatynyń oqý­­shylary jeńip aldy.

Júldeli oryndardan tabyl­ǵan talantty oqýshylarǵa Na­zar­baev Ýnıversıtetiniń, Ál-Fa­ra­bı atyndaǵy Qazaq ult­tyq ýnı­versıtetiniń, QBTÝ, MÝIT granttary buıyrdy. Al ınformatıka páni boıynsha absolıýttik nátıje kórsetken ári olımpıadanyń eń jas qatysýshysy Vladıslav Makeev (Máskeý qalasynyń qurama komandasy, Reseı) Ilıa Segalovıch atyndaǵy arnaýly júldege ıe bolyp, baǵaly syılyqty ıemdendi. Osy arada RMFMOMI túlegi Ilıa Segalovıchtiń Iаndekstiń negizin qalaǵan adam ekenin aıta ketýge bolady.

Kezekti Jáýtikov olımpıadasy mamandandyrylǵan eń úzdik 7 mekteptiń reıtıngisin anyqtap berdi. Komandalyq esep boıynsha bas júldege bıyl da Máskeý memlekettik ýnıversıtetiniń mamandandyrylǵan oqý-ǵylymı ortalyǵynyń (SÝNS MGÝ) oqýshylary laıyq dep tanyldy. Birinshi oryndy RMFMOMI jeńip aldy. Ekinshi oryndy Mınskidegi Belarýs memlekettik ýnı­versıteti lıseıiniń oqý­shylary men Bolgarııadaǵy Sofııa matematıkalyq mektebiniń shá­kirt­teri ózara bólisti. Úshin­shi oryndar Belgardtaǵy mate­ma­tıka orta mektebiniń (Serbııa), Tbı­lısı qalasyndaǵy №199 «Ko­marovı» mektebiniń (Grýzııa), Ta­raz qalasyndaǵy qazaq-túrik lıseıiniń komandalaryna berildi.

Júldeli oryndardan kóringen komandalardyń árbir múshesi joǵary oqý oryndarynyń granttary men baǵaly syılyqtarǵa ıe boldy. Sonymen qatar, 8 komanda maqtaý qaǵazdarymen atap ótildi.

Bıyl onynshy ret uıym­dastyrylǵan Jáýtikov olımpıa­dasyna «RMFMOMI túlekter qory», «ExxonMobilKazakhstan Inc»,«Intergaz Sentralnaıa Azııa» AQ pen «ZHERSU» ınves­tısııalyq-óndiristik korporasııasy demeýshilik jasady.

Aınash ESALI,

«Egemen Qazaqstan».

ALMATY.

––––––––––––––

Sýrette: Nazarbaev Ýnıversıtetiniń bolashaq stýdentteri – Bas júlde ıegerleri.