Soltústik Qazaqstan oblysynyń týmasy, London Olımpıadasynyń chempıony Aleksandr Vınokýrovtyń esimi «Gınnestiń rekordtar kitabyna» endi.
Soltústik Qazaqstan oblysynyń týmasy, London Olımpıadasynyń chempıony Aleksandr Vınokýrovtyń esimi «Gınnestiń rekordtar kitabyna» endi.
«Gınnestiń rekordtar kitaby» Vınokýrovty 2000 jyly Olımpıadanyń kúmis medalinen keıin araǵa 12 jyl salyp, Olımpıada chempıony ataǵyn jeńip alǵan tuńǵysh sportshy retinde tizimge engizdi.
Aleksandr Soltústik Qazaqstan oblysyndaǵy Beskól degen aýylda týǵan. Ol 2000 jyly Olımpıadaǵa qatysqan kezde «Deutche Telekom» komandasynyń kapıtany Iаn Ýlrıh pen Andreas Klıodenmen birge márege birinshi kelip, júldeli oryndardy ózara bólisken edi. Sol kezde Iаn altyn medaldi, Aleksandr kúmis júldeni alsa, Adreas úshinshi oryndy ıelengen bolatyn.
Sońǵy ýaqytta Ýlrıhtyń dopıng qoldanǵany jaıly kóp aıtylyp júr. Eger munysy áshkere bolsa, Sıdneıdiń altyn medali de Vınokýrovqa alyp beriledi. Al Londonda jasy 40-qa jaqyndap qalǵan Aleksandr Vınokýrovtyń 250 shaqyrymdyq jarysta altyn júldeni jeńip alǵanyn bilemiz.
BIZDIŃ BOKSShYLAR AZIIаNYŃ ÚZDIGI
Azııa boks federasııasy ótken jylǵy jumystaryn qorytyndylap, qurlyqtyń úzdikterin anyqtady.
Onda «Jyldyń eń úzdik er boksshysy» nomınasııasy boıynsha bas júldege Mereı Aqshalov ıe boldy. Bul ataqty qurlyqtyq federasııa Aqshalovqa byltyr álem jáne Azııa chempıonatyn jeńip alǵany úshin berdi. Kelesi «Jyldyń eń úzdik jas boksshysy» ataǵyn da qazaqstandyq boksshy ıelendi. Bul nomınasııa boıynsha syılyqty Abylaıhan Júsipov aldy. Ol byltyr 57 kılo salmaqta Ýkraınanyń Kıev qalasynda ótken álem chempıonatyn utyp alsa, Shymkentte Azııa chempıony atanǵan bolatyn. Qazir Abylaıhan 16 jasta. Búkilálemdik boks serııasy (WSB) qazaqstandyq bylǵary qolǵap sheberi Samat Bashenovti Azııanyń jyl boksshysy dep atady. Byltyr «Astana arlans» komandasynyń quramynda WSB chempıony atanǵan Samat bes jekpe-jekte jeńiske jetip, bireýinde ǵana ýkraın Vasıl Lomachenkodan ese jibergen. Halyqaralyq áýesqoı boks federasııasy Samattyń onyń osy tabysyn laıyqty baǵalap, qurlyqtyń úzdigi dep tanydy.
Al Qazaqstan boks federasııasy 2013 jyldyń «Azııa qurlyǵyndaǵy eń úzdik federasııa» dep tanyldy. Sonymen birge, «Jyldyń basty jańalyǵy» ataǵyn qyrǵyz Azat Úsenálıev ıelendi.
Dastan KENJALIN,
«Egemen Qazaqstan».
