2013 jylǵy 31 jeltoqsan Astana, Úkimet Úıi
Metropolıtenmen jolaýshylardy tasymaldaý qaǵıdalaryn bekitý týraly
2013 jylǵy 31 jeltoqsan Astana, Úkimet Úıi
Metropolıtenmen jolaýshylardy tasymaldaý qaǵıdalaryn bekitý týraly
«Qazaqstan Respýblıkasyndaǵy kólik týraly» 1994 jylǵy 21 qyrkúıektegi Qazaqstan Respýblıkasy Zańynyń 11-babyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Metropolıtenmen jolaýshylardy tasymaldaý qaǵıdalary bekitilsin.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S. AHMETOV.
Qazaqstan Respýblıkasy Úkimetiniń
2013 jylǵy 31 jeltoqsandaǵy №1517 qaýlysymen bekitilgen
Metropolıtenmen jolaýshylardy tasymaldaý qaǵıdalary
1. Jalpy erejeler
1. Osy Metropolıtenmen jolaýshylardy tasymaldaý qaǵıdalary (budan ári – Qaǵıdalar) «Qazaqstan Respýblıkasyndaǵy kólik týraly» 1994 jylǵy 21 qyrkúıektegi Qazaqstan Respýblıkasy Zańynyń 11-babyna sáıkes ázirlendi jáne metropolıtenmen jolaýshylardy tasymaldaý tártibin aıqyndaıdy.
2. Osy Qaǵıdalarda mynadaı negizgi uǵymdar qoldanylady:
1) aıaldaý pýnkti – metropolıtenniń jyljymaly quramynyń aıaldaýy júzege asyrylatyn, jolaýshylardy metropolıtende otyrǵyzýǵa jáne túsirýge arnalǵan pýnkt;
2) bort jýrnaly – nómirlengen jáne tigilgen, mórmen bekitilgen jáne jergilikti atqarýshy organ tirkegen, metropolıtenniń jyljymaly quramynda bolatyn jýrnal, oǵan metropolıtenniń jyljymaly quramynyń reıs aldyndaǵy tehnıkalyq tekserýden jáne josparlaý-eskertý jóndeýinen ótkeni týraly belgiler qoıylady, qoldanylý merzimi ony tirkegen kúnnen bastap kúntizbelik bir jyldan aspaıdy;
3) jol júrý qujaty (bılet) – jolaýshynyń metropolıtenniń kórsetiletin qyzmetteri arqyly júrýdi júzege asyrý quqyǵyn rastaıtyn bir rettik qoldanylatyn baılanyssyz smart-jeton nemese kóp rettik baılanyssyz smart-karta;
4) qol júgi – metropolıtenniń jyljymaly quramynyń salonynda tasymaldanatyn jolaýshylardyń jeke zattary;
5) qozǵalys kestesi – marshrýttyń árbir aıaldama pýnkti (stansııasy) boıynsha metropolıtenniń jyljymaly quramynyń qozǵalys orny men ýaqyty týraly málimetterdi qamtıtyn qujat (keste, grafıkalyq beıne);
6) metropolıtenniń jolaýshylarǵa qyzmet kórsetý boıynsha kezekshisi – jolaýshylardyń qaýipsiz otyrýyn, túsýin, olardyń stansııa boıynsha birkelki taraýyn jáne qozǵalysyn qamtamasyz etetin metropolıtenniń kólik kásipornynyń qyzmetkeri;
7) metropolıten jolaýshysy – jol júrý qujaty (bıleti) bar jáne metropolıtende jol júretin jeke tulǵa;
8) metropolıten – kóliktiń ózge túrleriniń jelilerinen jáne júrginshilerdiń olarǵa ótý jolynan oqshaýlanǵan (bólingen, bir deńgeıdegi qıylystary joq) joldar boıynsha jolaýshylar men bagajdy áleýmettik mańyzy bar turaqty tasymaldaýdy júzege asyratyn qalalyq relstik kólik túri;
9) metropolıtenniń kólik kásiporny – jolaýshylardy metropolıtenmen tasymaldaý, metropolıtenniń jyljymaly quramyna tehnıkalyq qyzmet kórsetý jáne jóndeý jónindegi qyzmetpen aınalysatyn, Qazaqstan Respýblıkasynyń zańnamasyna sáıkes áreket etetin zańdy tulǵa;
10) metropolıten stansııasy – turǵyndarǵa tasymaldaý boıynsha qyzmetter kórsetýge arnalaǵan qajetti qurylystar, qurylǵylar men basqa múlik túrleriniń kesheni;
11) metropolıtenniń jyljymaly quramy – bir nemese birneshe motor-vagondyq seksııalardan turatyn jáne jolaýshylardy tasymaldaýǵa arnalǵan jyljymaly quram;
12) eskalator – adamdardyń bir deńgeıden ekinshi deńgeıge aýysýy úshin qozǵalatyn satylary bar baspaldaq túrindegi kóterý-kólik qurylǵysy.
2. Metropolıtenmen jolaýshylardy tasymaldaý tártibi
3. Jolaýshy jol júrý qujaty (bıleti) bolǵan kezde ǵana metropolıtenniń jyljymaly quramymen tasymaldanady.
4. Jolaýshylar úshin metropolıtenniń jyljymaly quramyna jol júrý qujattaryn (bıletterin) satý metropolıten stansııalarynyń kassalarynda júrgiziledi.
5. Jol júrý qujattaryn (bıletterin) satý Qazaqstan Respýblıkasynyń zańnamasyna sáıkes belgilengen tarıfter boıynsha júzege asyrylady.
6. Tólengen jolaqy jolaýshy jóneltý stansııasyndaǵy týrnıketten ótken sátten bastap stansııanyń shyǵý týrnıketinen shyqqanǵa deıin jaramdy.
7. Jolaýshylarǵa:
1) ózimen birge 7 jasqa tolmaǵan bir balany alyp júrýge.
Bılet kassasyna balanyń jasyn rastaıtyn qujat usynylady;
2) jeńildikti jol júrý qujattarymen (bılettermen) ózimen birge 7-den 15 jasqa deıingi balalardy alyp júrýge;
7-den 15 jasqa deıingi balalardyń jol júrý tólemi jol júrý qujatynyń (bılettiń) tolyq qunynan 50 paıyz mólsherinde alynady.
3) metropolıtenniń jyljymaly quramynyń salonynda ólshemi úsh ólshem somasy boıynsha (60h40h20) 120 sm jáne salmaǵy 20 kg aspaıtyn bir oryn qol júgin aqy tólemsiz alyp júrýge;
4) metropolıtenniń jyljymaly quramynyń salonynda mólsheri men salmaǵy osy 8-tarmaqtyń 3) tarmaqshasynda kórsetilgen parametrlerden asatyn bir oryn qol júgin jol júrý qujatynyń (bılettiń) tolyq qunyn tólep, alyp júrýge jol beriledi.
15 jáne odan úlken jastaǵy jolaýshylar jol júrýdi jol júrý qujatynyń (bılettiń) tolyq quny mólsherinde tóleıdi. Jolaýshynyń jasy júrý kúnine aıqyndalady.
Uly Otan soǵysy múgedekteriniń, qatysýshylarynyń jáne olarǵa teńestirilgen adamdardyń jol júrý tóleminiń tártibi Qazaqstan Respýblıkasynyń zańnamasyna sáıkes júzege asyrylady.
Qol júgin tasymaldaýǵa belgilengen norma esebinen bıiktigi 180 sm aspaıtyn bir velosıpedten artyq emes nemese qurastyrylmaǵan kúıdegi balalar, múgedekter arbalary, ósimdikter, kóshetter, baılanǵan jáne tamyry oralǵan basqa da otyrǵyzylatyn materıaldar sııaqty qol júgin tasymaldaýǵa ruqsat etiledi.
8. Týrnıket arqyly ótken kezde stansııadaǵy baqylaýshy qol júgi parametrleriniń osy Qaǵıdalarda belgilengen normaǵa sáıkestigin tekseredi.
9. Jolaýshylarǵa, sondaı-aq metropolıtenniń jyljymaly quramynyń salonyndaǵy oryndyqtar arasynda ótetin joldarǵa arnalǵan oryndarda qol júgin ornalastyrýǵa jol berilmeıdi.
Jolaýshy alyp ótetin qol júgin ólsheý úshin metropolıten stansııalarynda tarazy ornatylady.
10. Usaq úı janýarlary, ıtter jáne qustar jáshikterde, sebetterde, torlar men konteınerlerde tasymaldanady.
Usaq úı janýarlaryn, ıtterdi jáne qustardy tasymaldaý kezinde olardyń ıeleri nemese alyp júrýshiler metropolıtenniń jyljymaly quramynyń salonynda sanıtarııalyq-gıgıenalyq rejımniń saqtalýyn qamtamasyz etedi.
Metropolıtenniń jyljymaly quramynyń salonynda qol júgi retinde jabaıy janýarlardy tasymaldaýǵa ruqsat etilmeıdi.
11. Halyqqa qyzmet kórsetý ereksheligine jáne metropolıtenniń kóliktik qurylymyn kútip-ustaý sharttaryna sáıkes jolaýshylardy qozǵalys kestesine sáıkes tasymaldaý mynadaı kezektilikpen júzege asyrylady:
1) «qarbalas» ýaqyt kezeńderin eskere otyryp, táýliktiń barlyq belgilengen kezeńinde jáne aptanyń bes kúninde (dúısenbiden jumaǵa deıin), qoldanylatyn turaqty;
2) táýliktiń barlyq belgilengen kezeńi ishinde demalys jáne mereke kúnderinde qoldanylatyn qosymsha;
3) qysqa ýaqyt (ádettegi rejımde qyzmet kórsetýge kedergi jasaıtyn metropolıten jelisinde kútpegen jaǵdaılar týyndaǵan jaǵdaıda) qoldanylatyn ýaqytsha.
12. Jolaýshylardy metropolıtenmen tasymaldaý kezinde:
1) metropolıtenniń jyljymaly quramynyń toqtaýy jáne júrýi kezinde esikterdiń avtomatty ashylýyna/jabylýyna kedergi keltirýge;
2) metropolıtenniń jyljymaly quramynyń qozǵalysy kezinde mashınısti alańdatýǵa;
3) metropolıtenniń jyljymaly quramy salonynyń ishki jabdyqtary men jaraqtalýyn búldirýge;
4) stansııalarda metropolıtenniń jyljymaly quramynda ótetin jerler men vagondarda temeki tartpaýǵa;
5) spırttik ishimdikter ishpeýge, metropolıtenniń stansııalarynda jáne jyljymaly quramdarynda masań kúıde, sondaı-aq esirtkige masań kúıde bolmaýǵa;
6) baqsha múkámmalyn, onyń ishinde jolaýshylardy jaraqattaý múmkindigin joqqa shyǵarmaıtyn shanshyp alǵysh jáne keskish zattardy tıisti qaptamasyz alyp ótýge;
7) kez kelgen pırotehnıkalyq buıymdardy alyp ótýge;
8) ashyq otty paıdalanýǵa;
9) shańǵylar men konkılerdi qaptamasyz jáne tıisti býyp-túıýsiz alyp ótýge;
10) janýarlar men qustardy tumsyqtorsyz, shylbyrsyz, torlarsyz nemese arnaıy konteınerlersiz alyp ótýge;
11) metropolıtenniń ǵımarattaryna, qurylystaryna, vagondar jabdyqtaryna, eskalatorlaryna jáne stansııalaryna múliktik zalal keltirýge;
12) metropolıten jolynda metropolıtenniń jyljymaly quramynyń mashınıst kabınasyna, qyzmettik jáne óndiristik úı-jaılarǵa, jeldetpe shahtalarynyń kıoskilerine, tonnelderine jáne qorshalǵan aýmaqqa óz betimen kirýge;
13) jumys istemeıtin eskalatorǵa minýge, asylýǵa jáne zattardy eskalatorlardyń tutqalaryna qoıýǵa, kez kelgen zatty laqtyrýǵa, eskalatorda júgirýge, eskalator baspaldaqtarynda otyrýǵa jáne eskalator balıýstradasynda «toqta» degen jazbasy bar ajyratqyshty qajetsiz qoldanýǵa;
14) metropolıtenniń jyljymaly quramy vagondarynyń esikterine súıenýge;
15) metropolıtenniń jyljymaly quramy tolyq toqtaǵanǵa deıin platforma shetindegi shekteýli syzyqtan ótýge;
16) metropolıtenniń jyljymaly quramynyń stansııalary men vagondarynda rolıkti taqtalarda, konkılerde jáne basqa uqsas sporttyq zattarda júrýge;
17) vagonda «Jolaýshy-mashınıst» baılanysymen qajetsiz qoldanýǵa;
18) platformalarda júgirýge, aqparattyq kórsetkishterde belgilengen qozǵalys baǵytyn saqtamaýǵa jáne relstik joldarǵa túsýge;
19) jolǵa metropolıtenniń jyljymaly quramy qozǵalysynyń buzylýyn týyndatatyn zattardy laqtyrýǵa jol berilmeıdi.
13. Metropolıten stansııasynda jolaýshylar metropolıtenniń jyljymaly quramynyń kelý jáne ketý ýaqyty, jolaýshylardyń jol júrý quny, jol júrý jáne kórsetiletin qyzmetter sharttary, shuǵyl medısınalyq kómek, shaǵymdar men usynystar kitabynyń ornalasqan jeri, bılet kassalarynyń jumys rejımi týraly, metropolıten stansııalary úı-jaılarynyń ornalasýy, sondaı-aq metropolıtende halyqqa kórsetiletin qyzmetterdiń tizbesi týraly qajetti jáne durys aqparatpen qamtamasyz etiledi.
Metropolıten qyzmetterin paıdalanýshylarǵa arnalǵan barlyq aqparat tasymaldaý sharttarynyń ózgerýine baılanysty ýaqtyly jańartylyp otyrady. Metropolıtenniń kólik kásiporny jolaýshylarǵa daýys zoraıtqysh baılanysty, aqparatty vızýaldy tasyǵyshtardy qoldana otyryp, jazbasha jáne/nemese aýyzsha aqparat beredi.
