Sport • 27 Tamyz, 2021

US Open: qazaqstandyq tennısshilerdiń qarsylastary anyqtaldy

19 ret kórsetildi

Jekeleı synda áıelder arasyndaǵy jarysqa Qazaqstannan tórt tennısshi qatysady, dep habarlaıdy Egemen.kz.

Elimizdiń birinshi, álemniń 20-raketkasy Elena Rybakına alǵashqy aınalymda dúnıejúzilik reıtıngide 99-orynda turǵan Belarýs ókili, tájirıbeli sportshy Aleksandra Sasnovıchpen kezdesedi.

Álemniń 33-raketkasy Iýlııa Pýtınseva reıtıngte 70-oryndaǵy, taǵy bir tisqaqqan oıynshy, 36 jastaǵy estonııalyq Kaııa Kanepımen kúsh synasady. 

Reıtıngte 110-orynda turǵan Zarına Dııasqa álemniń 73-raketkasy, jýyrda 20 jasqa tolatyn amerıkalyq Amanda Anısımova qarsylas atandy.

Qazaqstan áıelder quramasynyń kapıtany, reıtıngte 449-satydaǵy tájirıbeli Iаroslava Shvedova álemniń 98-raketkasy, ıtalııalyq Iаsmın Paolınımen kortqa shyǵady.

Erler arasynda Qazaqstannyń birinshi, álemniń 37-raketkasy Aleksandr Býblık alǵashqy aınalymda reıtıngte 134-satydaǵy germanııalyq Iаnnık Hanfmannyń shamasyn baıqap kóredi.

Eger M.Kýkýshkın irikteý saıystarynyń fınalynda qarsylasyn utsa, negizgi dodaǵa ol da qosylady.

 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar