Jambyl oblysyndaǵy kásipkerler palatasynyń dırektory Erkin Atymtaev qazir jarylys bolǵan jerge baryp, kásipkerlik nysandardy aralap júr. Onyń aıtýynsha, ázirge qansha bıznes zardap shekkeni belgisiz jáne jedel jeli arqyly habarlasyp jatqandar bar. Aldyn ala derekter boıynsha 11 bıznes sýbekti zardap shekken.
«Qazir tizim jasalyp jatyr. Zardap shekken bıznes sýbektileri týraly aqparat oqıǵa orny tolyq taldaǵannan keıin qosymsha habarlanady. Kásipkerler úshin jedel jeli ashyldy. Olar 109, +7(7262)513525 nómirine jáne Ulttyq palatanyń 1432 kol-ortalyǵyna habarlasa alady», dedi Erkin Atymtaev.
Jambyl oblysynyń Baızaq aýdanyndaǵy áskerı qoımadaǵy jarylystan zardap shekken bıznes sýbektileriniń arasynda dámhana, janar-jaǵarmaı stansııasy, dúken, avtokempıng jáne basqa nysandar bar.
Jambyl oblysy ákiminiń basshylyǵymen jedel shtab jumysy uıymdastyryldy. Shtab quramynda oblystyń kásipkerler palatasynyń ókilderi de bar.
