«Kontrafaktige qarsy forým - zııatkerlik menshigi qorǵalǵan ónimderdiń zańsyz aınalymyna qarsy turý máselelerin talqylaýǵa arnalǵan ashyq alań. Forým elimizde ekinshi ret ótip jatyr. Birinshisi 2014 jyly ótti», dedi Erbol Ospanov OKQ brıfınginde.
Ol keıbir statıstıkalyq málimetterge toqtaldy.
«Euromonitor International eýropalyq zertteý kompanııasynyń málimeti boıynsha, 2020 jyldyń sońyna qaraı jahandyq ekonomıkaǵa keltiriletin shyǵyn álemdik JIО́-niń 3%-yn nemese shamamen 2,2 trıllıon dollardy quraýy múmkin. Saýda jáne ıntegrasııa mınıstrliginiń málimeti boıynsha, Qazaqstanǵa 30 mıllıard teńgeden astam zańsyz taýarlar ákelindi», dep atap ótti spıker.
Ospanovtyń aıtýynsha, kontrafakti ónimderi ekonomıkanyń barlyq salasynda bar. Buǵan tamaq, sýsyndar, kıim men aıaq kıim, farmasevtıka jáne elektronıka kiredi.
«Sońǵy ýaqytta tipti zamanaýı tehnologııalarda da kontrafkti deregi kóbeıdi», dep qorytyndylady ol.
