Aqmola oblysynda úskirik aıaz ben uıtqı soqqan borannyń saldarynan 4 adam qaıtys boldy. Bul týraly «Qazaqstan» telearnasy habarlady.
Astrahan aýdanynyń Zarechnoe aýylynda 62 jastaǵy áıel mejeli jerine jete almaı, úsip qaıtys boldy. Qazir quqyq qorǵaý qyzmetkerleri onyń aty-jónin anyqtaýda.
Kókshetaý qalasyndaǵy vokzal mańaıyndaǵy garajdardyń arasynan taǵy bir adamnyń máıiti tabyldy. Polıseılerdiń aıtýynsha, bul azamattyń basynda baspanasy joq kórinedi. Al Atbasar aýdany Rodıonovka eldi mekeniniń turǵyny kórshiles eldi mekendegi apasynyń úıine bara jatqanynda boranda adasyp, úsik shalyp qaıtys boldy. Osy óńirde kelesi bir adam dalada adasyp, kóz jumǵan.
Ámirhan Almaǵanbetov.
Derekkóz: «Qazaqstan» telearnasy.
Foto: Namys.kz.
