Vetnamda táýligine 13 myńǵa jýyq jaǵdaı tirkeldi. Buǵan deıingi eń joǵary kórsetkish 25 tamyzda 12 096 vırýs juqtyrý jaǵdaıy anyqtalǵan.
Naýqastardyń barlyǵy derlik indetti el ishinde juqtyrǵan. О́ńirler boıynsha: Hoshımınde 5 383 jaǵdaı, Bınzong provınsııasynda 4 187, Dongnaı provınsııasynda 996 jaǵdaı tirkeldi. Osylaısha, Vetnamdaǵy syrqattanǵandardyń jalpy sany 410 366 adamǵa deıin ósip, kóz jumǵandar sany 10 053 adamdy qurady.
Kosovo ulttyq densaýlyq saqtaý ınstıtýty COVID-19 jaǵdaılary týraly kúndelikti statıstıkany jarııalap otyrady. PTR synaqtarynyń 12 564 úlgisinen 2 098 koronavırýs tasymaldaýshysy anyqtaldy, olardyń kópshiligi «delta» shtamyn juqtyrǵan.
Kosovo Úkimetiniń ókili Besnık Bıslımı elge koronavırýstyq vaksınanyń 650 000 dozasy keletinin aıtty. Germanııa 150 000 doza jóneltse, qalǵan jarty mıllıon doza AQSh-tan joldanbaq.
