Qanysh Sátbaev atyndaǵy sý arnasynyń ekinshi sorǵy beketinde órt shyqty. Sonyń saldarynan nysannyń sorǵy agregattary janyp ketti. Qazir órttiń shyǵý sebebi anyqtalyp jatyr. Sarapshylar tótenshe jaǵdaıdan 270 mıllıon teńge kóleminde shyǵyn kelgenin aıtady.
Al kásiporyn basshysy sý arnasyna jaqyn eldi mekenderde sý tapshylyǵy bolmaıdy dep sendirýde. Sebebi Ekibastuz qoımasynda 17 mıllıon tekshe metr sý qory bar. Bul Pavlodar men Qaraǵandy oblystarynyń turǵyndaryna 5-6 aıǵa jetedi. О́rt saldaryn joıý jumystary 10 kúnniń ishinde aıaqtalady dep josparlanǵan.
