BINOM – aralas tilde oqytatyn mektepter. Munda oqý tegin: balalar oqýǵa QR bilim berý uıymdarynyń oqýǵa qabyldaý erejeleri arqyly qabyldanady.
BINOM shyn máninde oqýshylarǵa qoljetimdi jáne sapaly bilim berýge baǵyttalǵan. Mektepterdegi tárbıe úrdisi Amanat konsepsııasyna – uly fılosof, shyǵystanýshy Ábý Nasyr ál-Farabıdiń eńbekterinde negizdelgen qurmet, qamqorlyq, jaýapkershilik, eńbeksúıgishtik, jetildirý qaǵıdatyna súıenedi.
Joba oqýshy oryndarynyń tapshylyǵyn azaıtýǵa jáne úsh aýysymdy mektepterdiń júktemesin azaıtýǵa baǵyttalǵan. Búginde Qazaqstan boıynsha 260 myń oqýshy, al elordada 26 myń bala mekteptegi oryn tapshylyǵyn sezinýde.
Ár BINOM mektebinde 2 aýysymda 4 myń oqýshy oqıdy. Bıyl Nur-Sultan qalasynda tórt BINOM mektebin paıdalanýǵa berý josparlanýda. Osylaısha 16 myń oqýshy orynmen qamtylady. Ár synypta 25 oqýshy oqıdy.
Árbir BINOM mektebi – fızıka, hımııa, bıologııa, nano jáne bıotehnologııa boıynsha 127 kabınet, jetildirilgen 9 zerthanasy bar 5 qabatty ǵımarat. Sondaı-aq, 100 oryndyq kınozal, muǵalimder men balalarǵa arnalǵan kovorkıng-aımaqtar, telestýdııa, oıyn bólmeleri, smart-synyptar, shyǵarmashylyq eksperımentterge arnalǵan 3D-prınter, robototehnıka kabınetteri, metall jáne aǵash oıý sheberhanalary, Speaking Club, TedxBinom jáne t.b. uıymdastyrylǵan. Ashana, medısınalyq pýnkt jumys isteıdi. Mektep kitaphanasynda 5000-nan astam kitap, sonyń ishinde qazaqstandyq jáne sheteldik jazýshylardyń, álemniń eń myqty klassıkteriniń tanymal jınaqtary bar. Mektepte balalardy oqytý prosesi úshin stasıonarlyq kompıýterlerden bólek noýtbýkter de qarastyrylǵan.
Mektepterdiń taǵy bir artyqshylyǵy – ınklıýzıvti bilim berý múmkindigi. BINOM SCHOOL-da bilim berýde erekshe qajettilikteri bar balalar úshin qolaıly oqytý ortasy jasaldy.
Eki sport zaly, aýladaǵy birneshe alań balalarǵa fýtbol, voleıbol, basketbol jáne basqa da sport túrlerimen aınalysýǵa múmkindik beredi. Work-out aımaǵy da bar.
BINOM SCHOOL-ǵa muǵalimderdi irikteý Jumys Smart Nation iri ınternet-platformasynda júrgiziledi. Bul qosymsha elimizdiń barlyq óńirinen 270 000-nan astam oqytýshyny qamtýǵa jáne olardyń ishinen óz páninen myqtylaryn tańdaýǵa múmkindik beredi. Eki kezeńdik konkýrstyq irikteýdiń (testileý jáne áńgimelesý) nátıjesinde birinshi BINOM mektebine úzdik 300 muǵalim qabyldandy.
Balalardyń qaýipsizdigine erekshe nazar aýdaryldy: ár mektep beınebaqylaý kameralarymen tolyq qamtylǵan (200 dana). Kamera «kórmeıtin» aımaqtar joq. Mektepke kirý jáne shyǵý týrnıkettermen basqarylady. Kúzet pýnktteri uıymdastyryldy. Sonymen qatar mektep nysany antıterrorıstik qorǵaý quramyna engizilgen.
BINOM SCHOOL – BI Group ınnovasııalyq qurylys holdıngi men Nur-Sultan qalasynyń ákimdigi arasynda memlekettik-jekeshelik áriptestik tetigi arqyly iske asyrylatyn bilim berý salasyndaǵy biregeı joba.
Eske sala keteıik, buǵan deıin QR Premer-Mınıstri Asqar Mamınniń Nur-Sultan qalasynda BINOM jáne Quantum STEM School ınnovasııalyq mektepteriniń ashylýyna qatysqany jaıly habarlaǵan edik.
