Salynǵan joldyń sapasy jaqsardy

Onyń aıtýynsha, oblys aýma­ǵyn­daǵy respýblıkalyq ma­ńyz­ǵa ıe trassalarǵa jyl basynan beri júrgizilgen tekserýler nátıjesi bar-joǵy úsh aqaý­dy kórsetti. Sol jol ýchaskelerine ortasha jóndeý ju­mystaryn júrgizýge jaýapty merdiger mekemelerge, olarǵa tap­syrys bergen jergilikti ákim­dikterge qyzmettik hat jazyl­ǵan soń kemshilikter tez arada túzetilgen.

«Mańǵystaý óńirinde kó­lik joldaryn salý jáne jóndeýmen shuǵyldanatyn kom­panııalardyń óz isine mu­qııat­tylyq tanyta bas­ta­ǵany qýantady. О́ıtkeni bul tras­salardy qoldanatyn halyqtyń qaýipsizdigi biz úshin árqashan birin­shi orynda tur. Mysalǵa aıtar bolsam, aǵym­daǵy jyl­dyń qańtar-shilde aılary oblys boıynsha kólik jol­daryna 234 ret baqylaý reıdi jasaldy. 42 nysan boıynsha tekserý júrgizildi. Bas-aıaǵy 1 072 synama aldyq. So­nyń júzge jýyǵynan ártúrli aqaý anyqtaldy. Qyzmettik hatymyzda barlyǵyn da kórsetip berdik. Sáıkesinshe, tez arada túzetildi. Jalpy, ótken jyldarmen salystyrǵanda qazirgi kór­setkish áldeqaıda jaqsy», dedi ol.

Osy tektes reıdtik baqylaý sharalary jyl basynan beri ob­lys­tyq mańyzdaǵy joldarda 42 ret, qalalyq mańyzǵa ıe trassalarda 33 ret, aýdandyq joldarǵa 3 márte júrgizildi.

Sońǵysynan eshqandaı aqaý ta­byl­maǵanyn aıtady ult­tyq orta­lyq mamandary.

Jol sapasy – qaýipsizdik kepi­li. Jol jaıy biraz jyl­darǵa deıin jyr bolǵan Mań­ǵys­taýda jol sapasynyń artýy – ja­ǵym­dy jańalyq.