«Atmosferalyq frontaldyq bólikterdiń respýblıkanyń shyǵys, ońtústik-shyǵys aımaqtaryndaǵy áseri saqtalady, naızaǵaı oınap, jańbyr jaýady. Shyǵys Qazaqstan oblysynyń soltústik-shyǵysynda qatty jańbyr jaýady. Ońtústikte, shyǵysta, ońtústik-batysta jel kúsheıedi, ońtústik-batysta shańdy daýyl soǵady, ońtústik-shyǵysta burshaq jaýyp, soltústik-shyǵysta jáne ortalyqta tuman túsedi», delingen habarlamada.
Shyǵys Qazaqstan oblysynda túnde basym bóliginde, kúndiz shyǵysynda, ońtústiginde naızaǵaı oınap, túnde jáne tańerteń soltústiginde tuman túsedi, naızaǵaı kezinde jel ekpini 15-20 m/s kúsheıedi.
Almaty oblysynyń soltústiginde jáne taýly aýdandarynda, Jambyl oblysynyń shyǵysynda jáne taýly aýdandarynda naızaǵaı oınap, burshaq jaýady, jel 17-22 m/s kúsheıedi.
Túrkistan oblysynda taýly aýdandarda naızaǵaı oınaıdy, naızaǵaı kezinde ekpini 15-20 m/s jel kúsheıedi.
Qaraǵandy oblysynda túnde shyǵysynda naızaǵaı oınap, túnde jáne tańerteń soltústiginde tuman túsedi.
Pavlodar oblysynyń túnde soltústik-batysynda, ońtústik-batysynda tuman túsedi. Mańǵystaý oblysynyń soltústik-shyǵysynda shańdy daýyl soǵady.
Qostanaı, Aqmola oblystarynyń soltústiginde, Soltústik Qazaqstan oblysynyń soltústik-batysynda, Qaraǵandy oblysynyń soltústiginde jáne shyǵysynda topyraq betinde 2 gradýs úsik túsedi.
Kúndiz Batys Qazaqstan oblysynda qatty ystyq bolady.
Mańǵystaý, Atyraý, Batys Qazaqstan, Aqtóbe, Túrkistan, Qyzylorda oblystarynda, Jambyl, Qostanaı, Almaty oblystarynyń basym bóliginde, Qaraǵandy oblysynyń batysynda, ońtústik-batysynda, Shyǵys Qazaqstan oblysynyń ońtústiginde, Aqmola oblysynyń batysynda, soltústik-batysynda, Pavlodar oblysynyń ortalyǵynda tótenshe órt qaýpi saqtalady.
