Kórmede Qazaqstan jáne elimizdiń ǵylymı-tehnıkalyq jetistikteri týraly foto jáne beıne materıaldar, sondaı-aq Semeı ıadrolyq polıgonyndaǵy ıadrolyq synaqtary sýretteriniń ekspozısııalary usynylǵan.
Sharanyń alǵashqy qonaqtary jergilikti BAQ pen Masqatta akkredıttelgen dıplomatııalyq korpýs ókilderi boldy.
«Is-sharanyń ashylý saltanatynda Elshi Nájmedın Muhametáliuly Qazaqstannyń táýelsizdik jyldaryndaǵy negizgi jetistikteri, ózekti saıası jáne ekonomıkalyq reformalary týraly aıtyp berdi. Sonymen qatar, is-shara maqsattarynyń biri – ıadrolyq synaqtardyń saldary jáne QR Tuńǵysh Prezıdenti – Elbasy Nursultan Nazarbaevtyń polıgondy jabý týraly qabyldaǵan sheshiminiń mańyzdylyǵy týraly jergilikti qoǵamdy habardar etý bolyp tabylatynyn erekshe atap ótti», dep jazady Egemen.kz.
Is-shara qonaqtary Semeı ıadrolyq polıgony jabylýynyń tarıhı mańyzyna toqtalyp, Qazaqstannyń bul bastamasy halyqaralyq qoǵamdastyqtyń moıyndaýyna ıe bolǵanyn atap ótti.
