Búgin Prezıdentimiz VII saılanǵan Parlamenttiń ekinshi sessııasyn ashyp, óziniń Qazaqstan halqyna kezekti Joldaýyn jarııalady.
«Memleket basshysynyń búgingi Joldaýy Qazaqstanymyzdyń turaqtylyǵyn saqtaı otyryp, odan ári damytýǵa arnalǵan strategııalyq qujat. Sebebi Joldaýda saıası, áleýmettik-ekonomıkalyq turǵyda ósip, órkendeýdiń naqty joldary, qadamdary naqty kórsetildi. Onyń ishinde, ásirese agroónerkásip, densaýlyq, bilim, aımaqtar damýy jáne basqa da baǵyttardy nyǵaıtýǵa erekshe kóńil bólinip otyr», dedi Nurlan Nyǵmatýlın.
Májilis tóraǵasy endi depýtattyq korpýstyń endigi basty maqsaty – osy barlyq bastamany sapaly zańmen qamtamasyz etý ekendigin aıtty.
