Eki qurama arasyndaǵy alǵashqy kezdesýde 1:1 esebi tirkelgen bolatyn. Týrnır kestesinde Ýkraına úsh upaımen ekinshi orynda turǵan edi.
Al bir upaı enshilegen qazaqstandyqtar besinshi orynda kele jatqan bolatyn. Kósh basynda jeti upaımen Fransııa tur. Álem chempıonaty fınaldyq satysynda synǵa túsý úshin ýkraındar jeńiske jetý jolyn izdeıtini belgili edi. Sondyqtan olar oıyndy qarqyndy bastady.
Nátıjesinde 2-mınýtta Roman Iаremchýk qazaqstandyq qurama qaqpasynan sańylaý tapty.
Budan keıin qos qurama tarapynan esepti ózgertetin birneshe múmkindik boldy. Ásirese, ýkraındar gol soǵatyn sátterde qaqpany dál kózdeı alǵan joq. Esesine 74-mınýtta qazaqstandyq jartylaı qorǵaýshy Rýslan Valıýllın tarazy basyn teńestirip ketti. Al 93-mınýtta ýkraındyq Danııl Sıkan gol soqsa, Rýslan Valıýllın 95-mınýtta taǵy da mergendigimen kózge tústi. Kezdesý 2:2 esebimen teń aıaqtaldy.
Aıta keteıik, qazaqstandyq qurama irikteý satysynda D tobynda synǵa túsedi. Qarsylastary - Fransııa, Ýkraına, Bosnııa jáne Gersogovına, Fınlıandııa.
Sondaı-aq búgin atalǵan topta Fransııa men Bosnııa jáne Gersogovına quramasymen kezdesedi. Endi Qazaqstan syrt alańda 4 qyrkúıekte Fınlıandııamen kezdesse, 7 qyrkúıekte Bosnııa jáne Gersogovınamen sheberlik baıqasady.
