Bul týraly Úkimet otyrysynda Indýstrııa jáne ınfraqurylymdyq damý mınıstri Beıbit Atamqulov málimdedi.
«Úı kezeginde turǵan azamattarǵa «Otbasy bankiniń» ıpotekalyq baǵdarlamalary boıynsha bastapqy jarna mólsheri baspana qunynyń 10%-na deıin tómendetiledi. Jeńildikpen nesıelendirý boıynsha mólsherleme otbasy tabysyna baılanysty jyldyq 2% jáne 5% bolady», dedi mınıstr.
Mınıstrdiń aıtýynsha, baspana jaǵdaıyn jaqsartý úshin zeınetaqy jınaǵyn paıdalaný týraly erejelerge de ózgerister engizilmek.
Eske salaıyq, Memleket basshysy Qasym-Jomart Toqaev keshegi Joldaýynda qazaqstandyqtarǵa zeınetaqy jınaǵynyń bir bóligin jetkilikti sheginen joǵary mólsherde «Otbasy bank» esepshotyna aýdarýǵa ruqsat etiletinin aıtty.
«Men zeınetaqy jınaqtaryn merziminen buryn paıdalaný bastamasynyń oń dınamıkasy týraly aıttym. Osy úrdisti qoldaý úshin zeınetaqy jınaqtarynyń bir bóligin keıinnen turǵyn úı satyp alý úshin «Otbasy bank» esepshotyna jetkilikti sheginen kóp mólsherde aýdarýǵa ruqsat berý qajet dep sanaımyn», dedi Toqaev.
