Londondaǵy Botanic Gardens Conservation International (BGCI) qaıyrymdylyq uıymynyń esebine sensek, emen, magnolııa men tropıkalyq aǵashtar joıylýdyń az-aq aldynda tur.
Mamandardyń aıtýynsha, qazir 17 500 aǵash túriniń joıylyp ketý qaýpi bar. Bul kórsetkish sútqorektilerdiń, qustardyń, qosmekendiler men baýyrymen jorǵalaýshylardyń sanynan eki ese kóp.
Sondyqtan olar ormandardyń joıylýy men klımattyń ózgerýi sııaqty qaýip-qaterler kezinde aǵash túrlerin saqtap qalý úshin shuǵyl sharalar qoldanýǵa shaqyrady.
«Bizde planetada 60 000-ǵa jýyq aǵash túri bar jáne biz olardyń qaısysy adamzattyń qamqorlyǵyna muqtaj ekenin, olar úshin eń úlken qaýip ne ekenin jáne qaıda ornalasqanyn alǵash ret bilip otyrmyz», deıdi BGCI doktory Malın Rıvers.
