Qazaqstan basshysy Nursultan Nazarbaev Shveısarııa Konfederasııasynyń Prezıdenti Dıde Býrkhaltermen kezdesti, dep habarlady Qazaqstan Respýblıkasy Prezıdentiniń baspasóz qyzmeti.
Qazaqstan basshysy Nursultan Nazarbaev Shveısarııa Konfederasııasynyń Prezıdenti Dıde Býrkhaltermen kezdesti, dep habarlady Qazaqstan Respýblıkasy Prezıdentiniń baspasóz qyzmeti.
Kelissózder kezinde Qazaqstan Prezıdenti Dúnıejúzilik ekonomıkalyq forýmnyń joǵary deńgeıde uıymdastyrylǵanyn atap ótti.
Memleketter basshylary Qazaqstan-Shveısarııa qarym-qatynasynyń negizgi aspektilerin jáne ony budan ári damytý perspektıvalaryn qarastyrdy.
Halyqaralyq kún tártibindegi ózekti máseleler jóninde de pikir almasty.
Nursultan Nazarbaev pen Dıde Býrkhalter ekijaqty da, halyqaralyq uıymdar aıasyndaǵy da ózara tıimdi yntymaqtastyqtyń josparly túrde nyǵaıtylýyna nazar aýdardy.
Qazaqstan Prezıdenti Shveısarııa elimizdiń Eýropadaǵy negizgi saýda seriktesiniń biri bolyp tabylatynyn aıtty. Respýblıkamyzda Algroup, Rieter jáne Glencore tárizdi iri shveısarııalyq kompanııalar jumys isteýde.
Taraptar Saýda-ekonomıkalyq yntymaqtastyq jónindegi Qazaqstan-Shveısarııa úkimetaralyq komıssııasy odan ári belsene qyzmet jasaýy qajettigine toqtaldy.
Kezdesý qorytyndysynda memleketter basshylary taıaý keleshekte ekijaqty yntymaqtastyqtyń qarqyny arta túsetinine senim bildirdi.
Memleket basshysy Nursultan Nazarbaev Eýropalyq Komıssııa tóraǵasy Joze Manýel Barrozýmen kezdesti.
Kezdesýde taraptar yntymaqtastyqty nyǵaıtý perspektıvalaryn, sondaı-aq, halyqaralyq kún tártibindegi ózekti máselelerdi talqylady.
Qazaqstan Prezıdenti Qazaqstan men Eýropalyq Odaq arasyndaǵy qarym-qatynastyń damýyna J.Barrozýdyń erekshe nazar aýdaryp otyrǵanyn atap ótti.
– Eýropalyq Odaqpen aradaǵy saýda kólemi – 50 mlrd. dollar. Biz qazir birqatar máselelermen, atap aıtqanda, seriktestik pen yntymaqtastyq aıasyn keńeıtý týraly kelisimmen jumys istep jatyrmyz. Múmkindiginshe bul qujattarǵa qol qoıýdy jedeldetken jón. Biz Eýropalyq Odaqpen vızasyz rejim týraly máseleniń sheshilýine de múddelimiz. Sonymen qatar, qazirgi ýaqytta meılinshe mańyzdy jaıt – bizdiń Dúnıejúzilik saýda uıymyna (DSU) kirýimiz, – dedi Nursultan Nazarbaev.
Memleket basshysy Eýropalyq Odaqty elimizdiń DSU-ǵa kirýi jónindegi kelissózderdiń tezirek aıaqtalýyna barynsha septigin tıgizýge jáne qoldaýǵa shaqyrdy. Qazaqstan Prezıdenti munyń eýropalyq ınvestorlar úshin qosymsha kepildik bolatynyna, jahandyq básekelestik jaǵdaıynda elimizde ınvestısııalyq jáne iskerlik ahýaldy odan ári jaqsartýǵa qyzmet etetinine senimin bildirdi.
О́z kezeginde J.M.Barrozý Eýropalyq Odaq Qazaqstannyń basty saýda jáne ınvestısııalyq seriktesi bolyp sanalatynyn, eýropalyq kompanııalar bizdiń elmen ekonomıkalyq baılanystaryn odan ári tereńdetýge múddelilik tanytyp otyrǵanyn atap ótti. Osyǵan baılanysty ol Qazaqstan men Eýropalyq Odaq arasyndaǵy seriktestik pen yntymaqtastyq aıasyn keńeıtý týraly jańa ekijaqty kelisim jónindegi kelissózderdiń aıaqtalyp, taıaý ýaqytta oǵan qol qoıylýy ózara tıimdi yntymaqtastyqty nyǵaıtýǵa qosymsha serpin beretinine, Eýropalyq Odaqpen aradaǵy únqatysýdyń sapaly jańa kezeńine quqyqtyq negiz qalyptastyratynyna toqtaldy.
Eýropalyq Komıssııa tóraǵasy Ortalyq Azııanyń ekonomıkalyq damýyndaǵy Qazaqstannyń róline joǵary baǵa bere kele, Memleket basshysynyń óńirde turaqtylyqty qamtamasyz etýdegi jeke úlesin de atap kórsetti.
Buǵan qosa, Nursultan Nazarbaev pen J.M.Barrozý Keden odaǵy men Eýropalyq Odaq arasyndaǵy ózara yqpaldastyq máselelerin qarastyrdy. Memleket basshysy Keden odaǵy asa mańyzdy ekonomıkalyq birlestik bola otyryp, oǵan qatysýshylardyń barlyǵyna aıtarlyqtaı paıda ákeletinin aıtty.
Memleket basshysy Nursultan Nazarbaev «Bombarder» kompanııasynyń prezıdenti Per Bodýenmen kezdesti.
Kezdesý barysynda kompanııanyń Qazaqstandaǵy jumysynyń bastalýynyń máseleleri qaraldy. «Bombarder» ókilderiniń qazirdiń ózinde áleýetti seriktesterimen birqatar kelissózder júrgizgeni atap ótildi.
Qazaqstan Prezıdenti ósý ústindegi el ekonomıkasynyń suranysy men kólik ınfraqurylymynyń damý qarqynyn eskergende, kanadalyq kásiporynnyń respýblıkamyzda qyzmet etýi úshin jaqsy múmkindikteri bar ekenin atap ótti.
P.Bodýen «Bombarderdiń» árdaıym jańa eldegi jumysyn bastaǵan kezde uzaqmerzimdi maqsat qoıatynyn málim etti. Ol adamı kapıtaldy damytý jáne óz kásiporyndaryna qyzmet kórsetý jónindegi servıstik kompanııalar qurý josparlary týraly aıtyp berdi.
Kompanııa basshysy avıasııa jáne temirjolǵa arnalǵan mashına jasaý salasyndaǵy yntymaqtastyqty damytýǵa ázir ekendikterin de jetkizdi.
Elbasy Nursultan Nazarbaev «Total» kompanııasynyń prezıdenti Krıstof de Marjerımen kezdesti.
Áńgimelesý barysynda kompanııanyń Qazaqstandaǵy qazirgi qyzmeti jáne onyń Soltústik Kaspıı jobasy boıynsha ónimderdi bólý týraly kelisimge qatysýynyń máseleleri talqylandy.
Nursultan Nazarbaev pen Krıstof de Marjerı ınvestısııa tartýdyń jáne jańa tehnologııanyń arqasynda Qazaqstannyń munaı-gaz salasy qarqyndy damyp kele jatqanyn atap ótti.
Taraptar Qashaǵan ken ornyn ıgerýdi júzege asyrýǵa qatysty ahýalǵa da toqtaldy. Osyǵan baılanysty «Total» basshysy kelisimge qatysýshylar óndirýdi kidirtýdiń sebepterin joıý úshin barlyq qajetti sharalardy qabyldaıtynyna sendirdi.
Qazaqstan Prezıdenti adamı kapıtaldy damytýǵa jáne elimizdiń áleýmettik-ekonomıkalyq damýyna baǵyttalǵan túrli ınvestısııalyq jobalardy iske asyrýǵa erekshe nazar aýdardy.
Qazaqstan Prezıdenti Nursultan Nazarbaev Dúnıejúzilik saýda uıymynyń bas dırektory Roberto Azevedomen kezdesti.
Kelissózder barysynda Qazaqstannyń DSU-ǵa kirýi jónindegi kelisimder úderisiniń qazirgi jaı-kúıi qaraldy.
Memleket basshysy elimizdiń DSU-ǵa kirýi basty syrtqy ekonomıkalyq basymdyǵymyzdyń biri bolyp sanalatynyn atap ótti.
R.Azevedonyń pikirinshe, negizgi máseleler – DSU-ǵa múshe eldermen kelisý, Keden odaǵyna qatysýyna baılanysty Qazaqstan men Reseıdiń ımporttyq kedendik baj salyǵy jónindegi mindettemelerin úılestirý.
R.Azevedo Nursultan Nazarbaevty DSU Hatshylyǵy Qazaqstannyń DSU-ǵa kirýi jónindegi kelissózderdiń tezirek aıaqtalýyna barynsha qoldaý kórsetetinine sendirdi.
-----------------------------------------
Sýretterdi túsirgender
S.BONDARENKO, B.OTARBAEV.
