Qazaqstan Prezıdenti Nursultan Nazarbaev Davostaǵy Dúnıejúzilik ekonomıkalyq forým jumysyna qatysý qorytyndylaryna arnalǵan brıfıng ótkizdi, dep habarlady Qazaqstan Respýblıkasy Prezıdentiniń baspasóz qyzmeti.
Qazaqstan Prezıdenti Nursultan Nazarbaev Davostaǵy Dúnıejúzilik ekonomıkalyq forým jumysyna qatysý qorytyndylaryna arnalǵan brıfıng ótkizdi, dep habarlady Qazaqstan Respýblıkasy Prezıdentiniń baspasóz qyzmeti.
Memleket basshysy Dúnıejúzilik ekonomıkalyq forým álemdik ekonomıkadaǵy jaǵdaılar men onyń damý perspektıvalary týraly pikir almasý alańy bolyp sanalatynyn atap ótti.
– Davos – tyǵyz kezdesýler orny, sebebi, forýmǵa memleketter men úkimetter basshylary, halyqaralyq uıymdar men iri kompanııalar jetekshileri kóp jınalady. Qazaqstan táýelsizdik alǵannan keıin men bul forýmǵa jıi kelip turdym, óıtkeni, ol kezde bizdiń el tanymal emes edi. Saparlardyń maqsaty jas respýblıka týraly áńgimelep, ınvestorlar nazaryn aýdarý bolatyn. Investorlar keńesin qurý bastamasy da dál osynda kóterilgenin eske sala keteıin. Al búgin 2050 Strategııasynyń qabyldanýyna jáne onda álemdegi damyǵan 30 eldiń qataryna kirý maqsaty qoıylǵanyna baılanysty osy jóninde forýmǵa qatysýshylarǵa áńgimelep berý qajettigi týyp otyr, – dedi Qazaqstan Prezıdenti.
Nursultan Nazarbaev forým prezıdenti K.Shvabpen, sondaı-aq, ózge memleketter men úkimetter basshylarymen ótken kezdesýler týraly habarlady.
– Men Qazaqstanda jumys istep jatqan kompanııalar basshylarymen de kezdesýler ótkizip turamyn. Biz olardyń elimizdegi aldaǵy ýaqyttaǵy qyzmetiniń perspektıvalaryn talqylaımyz. Basty másele sonda – óndirýshi salalarda jumys istep jatqan transulttyq kompanııalar óz kásiporyndary úshin bizde servıstik kompanııalar qurýǵa tyrysýy kerek. Bul jaıt Qazaqstandy ındýstrııalandyrý sektoryna qatysty. Menimen áńgimelesken kisiler elimizdiń damý bolashaǵy úshin ınfraqurylymdy damytýǵa – avtojoldar men temirjoldar, porttar, aeroporttar salýǵa degen bizdiń umtylysymyzdyń mańyzdylyǵyn aıtady. О́tkizilgen kezdesýler bul oraıda óte mańyzdy boldy, – dedi Memleket basshysy.
Nursultan Nazarbaev óziniń Eýropa Qaıta qurý jáne damý bankiniń basshysy S.Chakrabartımen áńgimelesýi jóninde aıtyp berdi.
– EQDB Qazaqstanǵa 6,5 mıllıard dollar saldy. Kezdesýde men shaǵyn jáne orta bıznesti qoldaýǵa kóbirek kóńil bólýdi ótindim. Bank qazirdiń ózinde 162 mıllıon dollarlyq jobalardy qarjylandyrdy, bıyl bıznesti nesıeleýge 77 mıllıon dollar bólindi, – dedi Qazaqstan Prezıdenti.
Buǵan qosa, Qazaqstan Prezıdenti kezdesýler taqyrybynyń biri aldaǵy EKSPO-2017 kórmesin ótkizýge ınvestısııalar tartý týraly bolǵanyn atap ótti.
Memleket basshysy burynǵy seriktestermen kezdesip, jańa adamdarmen tanysý úshin forýmnyń jaqsy múmkindik ekenin atap ótti.
– О́zge elderdiń basshylary bizdiń óńirdiń ahýaly men damý perspektıvalaryna qatysty meniń pikirimdi bilgisi keledi. Irannyń ıadrolyq baǵdarlamasy, Aýǵanstan men Sırııadaǵy ahýaldy retteý máseleleri, Ýkraınadaǵy oqıǵalar barshany qyzyqtyrady. Osylaısha, ózara pikir almasýlar nátıjesinde paıdaly usynystar men sheshimder týady. Forým basqarýshy organ bolyp sanalmaıdy, ol tek túrli qıyn jaǵdaılardan shyǵýdyń yqtımal joldaryn usynady, – dedi Nursultan Nazarbaev.
Budan bólek, Qazaqstan Prezıdenti forýmda birqatar qaýipti syn-qaterler men bolashaq daǵdarystar anyqtalǵanyn habarlady.
– Osyǵan baılanysty, daǵdarystyń artta qalǵany týraly bálendeı toqmeıilsý joq. Qıyndyqtar áli alda. Eýropalyq Odaqtaǵy basty qıyndyq, ásirese, jastar arasyndaǵy jumyssyzdyq, sondaı-aq, eýro valıýtasyna qatysty senimsiz kózqaras. Jyldyń ortasyna qaraı belgilengen Eýroparlament saılaýy óte mańyzdy bolmaq. Eýropa men AQSh-tyń ekonomıkasy baıaý da bolsa kóterilip keledi, bul – jaqsy jańalyq. Oǵan qosa, Qytaı ekonomıkasynyń tómendeýi baıqalýda, bul óz kezeginde alańdaýshylyq týdyratyn nyshan bolyp otyr. Biz úshin Reseı ekonomıkasynyń jaǵdaıy da mańyzdy. Bizdi osy máselelerdiń bári mazalaıdy, óıtkeni, biz álemdik qoǵamdastyqtyń bir bóligimiz. Álemde bolǵan nárseniń bári bizge de áser etedi. Bizdiń mindetimiz – sony der kezinde ańdap, yqtımal qıyn ahýaldardan aman shyǵýdyń tıisti sharalaryn qabyldaý, – dedi Nursultan Nazarbaev.
