«Men «Analar úıi» jobasy týraly estigende, onyń qanshalyqty qarapaıym jáne tıimdi ekenine tań qaldym. Balalar úıinde tárbıelenýshilerge syılyq berýdiń qajeti joq. Kerisinshe olardyń balalar úıine túspeýin qadaǵalaý kerek. Al Aıdyn Rahymbaev dál osylaı isteıdi. Meniń oıymsha, bul tek Qazaqstanda ǵana emes, burynǵy Keńes Odaǵynyń búkil aýmaǵynda taratylatyn tamasha joba. Mundaı joba Reseıde de paıda bolýy kerek», deıdi Igor Rybakov.
Ol óziniń jas kezinde Qazaqstandaǵy qurylysta jumys istegenin mysal etken. Sol jumysy úshin 1300 rýblden astam jalaqy alyp otyrǵan. «Men eń alǵash jumys istep, Qazaqstanda aqsha taptym, endi ony qaıtaryp jatyrmyn», deıdi Igor Rybakov.
Igor Rybakov aqshany aýdarý týraly sheshimdi qazaqstandyq mıllıoner Aıdyn Rahymbaevpen suhbaty kezinde qabyldady. Forbes Kazakhstan basylymynyń jazýyna qaraǵanda, Igorge qazaqstandyq bıznesmenderdiń qaıyrymdylyq jobalary unap qalǵan.
