Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın Qazaqstan Prezıdentine Sıfrlyq úkimet ofısiniń negizgi mindetteri men jobalary týraly baıandady.
Mınıstrdiń aıtýynsha, ofıs jumysynyń aıasynda bastapqy taldaýdy avtomattandyrý, boljamdar men damý ssenarıılerin ázirleý, qol jetkiziletin maqsatty kórsetkishterge tónetin qaýipterge monıtorıng jasaý jáne anyqtaý qyzmetteri, sondaı-aq basqa da jumystar júzege asyrylady. Sıfrlyq transformasııa ortalyǵy memlekettik organdardyń jumys úderisin ózgertip, olardy sıfrlyq formatqa aýystyrýmen aınalysady. Saýda jáne ıntegrasııa mınıstrligi Memleket basshysyna Ishki jáne syrtqy saýda jónindegi taldaý platformasyn tanystyrdy. Atalǵan platforma azyq-túlik baǵasyn onlaın rejımde baqylaýǵa jáne boljaýǵa múmkindik beredi.
Sıfrlyq damý, ınnovasııalar jáne aeroǵarysh mınıstrligi el halqynyń ekpe alý qarqynyn baqylaýǵa arnalǵan jobany tanystyrdy.
Jıyn barysynda Strategııalyq josparlaý jáne reformalar agenttiginiń tóraǵasy, Astana halyqaralyq qarjy ortalyǵynyń basqarýshysy Qaırat Kelimbetov, Qarjy mınıstri Erulan Jamaýbaev, Densaýlyq saqtaý mınıstri Alekseı Soı jáne basqa da jaýapty tulǵalar sóz sóıledi.
