Bul týraly RIA Novostı málimdedi.
Qazirgi ýaqytta Kojıkode medısınalyq kolledji men aýrýhanasynda 38 adam oqshaýlanǵan, olardyń 11-de aýrý belgileri bar.
«Segiz adamnyń synamalary ulttyq vırýsologııa ınstıtýtyna testileý úshin jiberildi», dedi Djordj NDTV-ge bergen suhbatynda. Ol aýrýhanaǵa jatqyzylǵan barlyq adamnyń densaýlyǵy turaqty ekenin aıtty.
Jaqynda Kerala bıligi nıpah vırýsynan 12 jastaǵy bala qaıtys bolǵanyn habarlaǵan edi, shtat dárigerleri onymen baılanysqan 251 adamdy tekserýdi bastady.
Aýrýdyń taralýyn boldyrmaý úshin Úndistan Densaýlyq saqtaý mınıstrligi epıdemıologııalyq baqylaýdy kúsheıtý jáne pasıentter baılanysta bolǵan adamdardy qarqyndy baqylaý keregin aıtty. Kojıkode aımaǵynda jáne kórshi úsh aýdanda da qaýipsizdik sharalary kúsheıtildi.
Nıpah vırýsy túlkiler men jarqanattardan taralady. Ádette vırýs janýardyń silekeıi bolǵan jemisterdi jegen adamdarǵa juǵady. DDSU muny álemdegi eń qaýipti vırýstardyń biri retinde sanaıdy, sebebi oǵan qarsy dári-dármek pen vaksına joq, al ólim deńgeıi 40-tan 75 paıyzǵa deıin.
Úndistanda nıpah vırýsy alǵash ret órship turǵan joq. Vırýs 2001 jáne 2007 jyldary Batys Bengalııada, 2018 jáne 2019 jyldary Kerala shtatynda anyqtalǵan.
