«Tıptik oqý josparlaryn alyp tastaý boıynsha «Bilim berý týraly» zańǵa ózgerister engiziledi. Muǵalimderdi 3 jylda bir ret qaıta daıarlyqtan ótkizýdi uıymdastyrý josparlanyp otyr. Sonymen qatar qashyqtan bilim berýge qajetti aqparattyq júıeniń sapasyn jaqsartý, sonymen birge «Sıfrly ustaz» jobasy iske asyrylady», dep túsindirdi Áset Erǵalıev.
Odan bólek, daryndy balalarǵa jáne olardyń ustazdaryna jan-jaqty qoldaý kórsetiledi. Halyqaralyq pán olımpıadalarynyń júldegerlerine granttar berý, sonymen birge bir rettik aqshalaı syıaqy da tóleý kózdelip otyr.
«Mektepterdegi oryn tapshylyǵy problemalaryn sheshý úshin 2025 jylǵa deıin keminde 1 000 mektep salý josparlanýda. «Jas talap» jobasy aıasynda suranysqa ıe mamandyqtar boıynsha tegin tehnıkalyq jáne kásiptik bilimmen tolyq qamtamasyz etý kózdelip otyr», dep baıandady Ulttyq ekonomıka mınıstri.
Eske sala keteıik, Prezıdent 1 qyrkúıektegi halyqqa Joldaýynda 2025 jylǵa deıin 1 000 mektep salýdy tapsyrǵan bolatyn.
