«2021 jyldyń 1 qyrkúıeginde Qazaqstan Prezıdenti Qasym-Jomart Toqaev jyl saıynǵy halyqqa Joldaýynda qazaqstandyqtarǵa zeınetaqy jınaqtarynyń bir bóligin jetkiliktilik sheginen joǵary «Otbasy banktegi» shotqa aýdarýǵa ruqsat berýdi tapsyrdy. Memleket basshysynyń aıtýynsha, bul shara qarajat jınaý jáne olardy saýatty basqarý ádetin yntalandyrýǵa múmkindik beredi. «Otbasy banki» Prezıdenttiń bastamasyn qoldaıdy, óıtkeni ol qazaqstandyqtarǵa qarajat jınaý merzimin eki ese qysqartýǵa jáne qonys toıyn toılaýdy áldeqaıda erterek belgileýge múmkindik beredi. Qazirgi ýaqytta 260 myń qazaqstandyq zeınetaqy jınaqtaryn Otbasy banki arqyly jalpy somasy 1,4 trıllıon teńgeden astam somaǵa paıdalandy», dep túsindirdi uıymnyń baspasóz qyzmeti.
Bank qarajat «Otbasy banktegi» jáne basqa da EDB qaryzdary boıynsha bereshekti óteýge, tolyq satyp alýǵa, ıpoteka alý úshin bastapqy jarnany engizýge, jeke turǵyn úı salýǵa jáne ýchaske satyp alýǵa baǵyttalǵanyn atap ótti. Bul rette jas bólinisinde úlken úles (46,1%) 36-45 jastaǵy azamattarǵa tıesili, 18,5% mólsherindegi úles 26-35 jas shamasynda keledi. 18-25 jas aralyǵyndaǵy salymshylarǵa zeınetaqy qorynan alynǵan qarajattyń bar bolǵany 0,1% - y tıesili.
«Otbasy bankinde» Memleket basshysynyń jańa bastamasy birinshi kezekte jas qazaqstandyqtarǵa turǵyn úı máselesin sheshýge kómektesedi dep sanaıdy. О́ıtkeni olarda turǵyn úı satyp alý nemese bastapqy jarna úshin jetkilikti jınaqtar joq. Banktiń baǵalaýy boıynsha 190 myńǵa jýyq jas otbasy bul múmkindikti bir jyl ishinde paıdalana alady. Jyl saıyn taǵy da 15 myńǵa jýyq otbasy salymdar ashatyn bolady.
«Jalpy Biryńǵaı jınaqtaýshy zeınetaqy qoryna (budan ári – BJZQ) birjolǵy zeınetaqy tólemin alýǵa ótinim berý tártibi enpf-otbasy.kz platformasy arqyly qazirgi kezdegideı bolady. Salymshynyń shotynan BJZQ-ǵa «Otbasy banktegi» arnaıy shotqa qarajat túskennen keıin, birjolǵy zeınetaqy tólemderi turǵyn úı qurylysy jınaqtarynyń depozıtine jiberiletin bolady. Atalǵan tetik jyl sońyna deıin pysyqtalyp, iske qosylady dep josparlanýda. Bul rette, banktegi shotta, onyń ishinde zeınetaqy jınaqtarynan qarajat jınaı otyryp, salymshylar keıinnen turǵyn úı nemese aralyq qaryz ala alady, sondaı-aq banktiń qoldanystaǵy barlyq baǵdarlamalaryn paıdalana alady», dep atap ótti uıymnyń baspasóz qyzmetinde.
Iаǵnı, jańa engizilim qazaqstandyqtardyń «Otbasy bankiniń» shotyna jetkiliktilik sheginen asatyn kez kelgen somany aýdara alatynyn jáne muny aı saıyn jasaýǵa bolatynyn kózdeıdi.
«Bul rette aýdarylǵan qarajattyń bastapqy jarnaǵa birden jetýi mindetti emes. Alǵashqy kezde aqshany odan ári bastapqy jarna retinde paıdalaný jáne bank baǵdarlamalary boıynsha kredıt alý úshin jaı ǵana jınaqtaýǵa bolady», dep tolyqtyrdy «Otbasy bankiniń» baspasóz qyzmeti.
